Juiz Administradór TDD, Afonso Carmona. Imajen/Dok.Tatoli

DILI, 24 agostu 2020 (TATOLI)-Juis Administradór Tribunál Distritál Dili (TDD), Afonso Carmona, hateten, presiza no nesesáriu tebes atu aumentu tan númeru juis atu  bele apoiu prosesu sira iha Tribunál Distritál Dili (TDD).

Notísia Relevante : TDD Sei Funsiona Hikas Tribunál Movel

Tribunál  Dili kobre area jurisdisaun Dili rasik, Munisípiu Ermera, Liquiça ho Aileu ne’ebé ho nia populasaun barak no akontese  númeru krime mós aas.

Daudaun ne’e, iha kolokasaun juis na’in-haat (4) foku ba  kazu prosesu sivíl   no na’in-10 atende kazu prosesu krime  hodi     serve ho independénsia, efikás no efisiénsia  no fó justisa ba ema hotu hanesan iha TDD.

“Ita hanoin ho nesesidade ne’ebé iha Tribunál Dili presiza se bele aumenta  tan juis  na’in-ualu (8) nune’e kompleta juis koletivu ba prosesu sivíl no krime ninian,” informa Juis Administradór TDD, Afonso Carmona, ohin, ba Agência Tatoli iha nia kna’ar fatin, Mandarin, Dili.

Nia hateten, mezmu ho númeru juis efetivu natoon durante ne’e sistema distribuisaun ne’ebé nia parte lidera  ba  prosesu juis sira ho responsabilidade  la’o di’ak hodi serve fó asesu justisa ba ema hotu ho  di’ak.

Afonso Carmona hein katak, ho polítika oitavu Governu liuhusi Ministériu Justisa (MJ)  através Sentru Formasaun Jurídika no Judisiáriu (CFJJ-sigla portugés)  ne’ebé sei loke vaga ba Timor-oan  ne’ebé lisensiadu iha area direitu  hamutuk na’in-45  atu bele tuir formasaun sai juis, prokuradór no defensór.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here