Juiz Administradór Tribunál Distritál Dili (TDD), Afonso Carmona. Imajen/Domingos Piedade

DILI, 14 jullu 2020 (TATOLI) – Juis Administradór Tribunál Distritál Dili (TDD), Afonso Carmona, hateten, TDD sei funsiona hikas Tribunál movel (julgamentu movel) iha sesta (16/07).

Notísia Relevante : TDD Halo Distribuisaun Prosesu Hodi Aselera Kazu Pendente

Julgamentu movel ne’e TDD sei kobre area jurisdisaun Dili rasik no Munisípiu Ermera, Liquiça ho Aileu, ho objetivu atu hakbesik justisa ba povu, liu-liu ba vulneravel sira ho natureza kazu violénsia doméstika no seluk ne’ebé envolve populasaun veneravel laiha transporte atu to’o mai iha Dili.

“Hanesan ita hotu hatene iha implementasaun Estadu Emerjénsia liubá ita suspende mós julgamentu movel, tanba ne’e iha sesta bainrua mai sei hahú hikas julgamentu movel,” hateten Juiz Administradór TDD, Afonso Camorna, ohin, hodi responde Agência Tatoli iha nia servisu fatin, Mandarin, Dili.

Nia hateten, funsionamentu julgamentu movel nu’udar parte ida oinsá bele kontribui redús kazu pendente sira ne’ebé daudaun ne’e kontinua rejista ho númeru ás iha Tribunál.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here