Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI

DILI, 21 agostu 2020 (TATOLI)-Magnífiku Reitór Universidade Nasionál Timor Lorosa’e (UNTL), Francisco Miguel Martins, informa daudaun ne’e aplika ona propinas ba estudante sira ho valór $ 5.00 kada fulan to’o dezembru 2020, relasiona situasaun pandemia globál surtu COVID-19 iha Timor-Leste.

UNTL aplika propinas ne’e baseia ba desizaun Governu liuhosi Ministériu Ensinu Superiór Siénsia no Kultura (MESSK) nian.

 Notísia Relevante :MESSK Suzere Estudante UNTL Selu Propinas

“Ami implementa propinas ho modalidade $ 5.00 ba estudante hotu to’o fulan-dezembru tinan ne’e, implemntasaun ne’e hahú ona iha segunda loron 10 agostu 2020 liubá,” dehan Reitór UNTL ba Tatoli iha ninia servisu fatin, sesta ne’e.

Antes ne’e, parte Retoriál UNTL halo enkontru ho estudante sira ne’ebé hatama petisaun ba Governu no Universidade hodi informa kona-ba desizaun Governu nian no parte rua hetan ona konkordansia ba malu hodi implementa.

“Ita la foti desizaun mesak ita bolu petisionariu sira mai ita halo esplikasaun ba sira depois hetan konkordansia mak foin implementa modalidade ne’e, ne’ebé buat hotu la’o ona laiha problema,” tenik tan.

Entretantu, Reprezentante Portavóz Aliansa Universitáriu Timor-Leste (AUTL), Paul dos Santos, hateten estudante maioria seidauk kumpre desizaun UNTL hodi selu propinas no minoria maka selu tanba hetan presaun husi universidade.

“Ami estudante UNTL pursentu 90 la konkorda maibé iha ita-nia maluk estudante balun mak selu ona tanba tauk ho presaun ne’ebé mak estrutura superiór universidade nian fó,” katak nia.

 Notísia Relevante :UNTL Anula Propinas ba Estudante

Jornalista : Tomé Amado  

Editór       : Agapito dos Santos

HAKEREK NO HATÁN

Please enter your comment!
Please enter your name here