Diretora Jeral Prestasaun Saude, Odete Viegas da Silva.Imajen/Egas Cristovão

DILI, 19 agostu 2020 (TATOLI)-Timor-Leste, kuarta ne’e livre tan husi pandemia globál surtu COVID-19, hafoin pasiente konfirmadu na’in ida husi Nasaun Indonézia sai ona husi fatin izolamentu Sentru Saúde Vera Cruz Dili tanba rekuperadu ona husi moras coronavirus.

Koordenadóra Jerál Komisaun Ezekutivu Saúde ba Surtu COVID-19, Odete da Silva Viegas, informa totál númeru komulativu teste hamutuk 5.067, hein rezultadu 221, kazu konfirmadu ne’ebé di’ak ona hamutuk 25, kazu foun 0,  rezultadu laboratóriu negativeu hamutuk 4.821, kazu mate 0 no baixa 0.

Totál ema iha kuarentena obrigatóriu hamutuk 548, iha Dili 484 no Munisípiu 57, auto-kuarentena hamutuk 2020, iha Dili 201 no Munisípiu na’in ida.

 Notísia Relevante :Sidadaun Indonézia na’in ida iha TL rekuperadu husi COVID-19

Okupante kuarentena ne’ebé pasa ona loron 14 hamutuk 3.201 iha Dili 2.733 no Munisípiu 468.

“Totál otél ne’ebé mak Ministériu Saúde uza ba konfinamentu obrigatóriu hamutuk 12,” katak Odete durante konferénsia imprensa iha Caicoli Dili, kuarta ne’e.

Maski implementasaun Estadu Emerjénsia da haat nian foka liu ba Fronteira maibé nia apela ba sidadaun hotu-hotu atu kumpre padraun prevensaun ne’ebé fó sai ona husi Organizasaun Mundiál Saúde no Ministériu Saúde atu fase liman ho sabaun beibeik, uza máskara, mantein distansia sosiál no fiziku no seluk tan.

 Notísia Relevante :Komunidade Sei Kontinua Livre Husi Kazu Transmisaun COVID-19

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here