Diretor Sentru Formasaun Judisial, Antonino Gonçalves. Imajen/Dok. Tatoli

DILI, 17 agostu 2020 (TATOLI)- Diretór Sentru Formasaun Jurídika Judisiál (CFJJ-sigla portugés), Antonino Gonçalves, informa, formasaun  komplementár ba autór judisiál  kompostu husi Juis, Prokuradór, Defensor Públiku no advogadu sei hahú fila-fali iha fulan oin (setembru, red).

Notísia Relevante : Ofisiais justisa na’in 60-resin tuir formasaun lian Portugés

SFJJ  daudaun suspende hela atividade formasaun ne’e tanba ho situasaun COVID-19 no formadór espesialista internasionál husi Portugal auzente hela ba sira-nia rain, maske daudaun balun fila ona mai Timor-Leste mas sei kumpre hela konfinamentu obrigatóriu ka auto-kuarentena.

“Formasaun  ne’e ita bolu komplementár  ka kontinuasaun ba juis, prokuradór, defensór no advogadu privadu antigu sira ne’ebé daudaun ne’e hala’o hela sira-nia kna’ar. Posibilidade bele hahú fali iha fulan oin,” informa Diretór SFJJ, Antonino Gonçalves, ohin,  ba Agência Tatoli iha Dili.

Nia hateten, atividade formasaun ba autór judisiál ne’e sempre hala’o foku ba area ida-idak hanesan Juis, Prokuradór no Defensor sira.

Nia hatutan, ba Juis    formasaun ne’e bele oinsá update lei foun sira ne’ebé iha, no partilla esperiénsia husi espesialista formadór internasionál sira ba julgamentu krime oi-oin iha mundu ohin loron  ho kazu ne’ebé ho kumplisidade boot.

 Antonino Gonçalves hatutan, ho  formasaun ba autór judisiál ne’e importante tebe-tebes  hodi aperfeisoa no hadi’a sira-nia kapasidade  atu bele hadi’a  mós sistema judisiáriu iha Timor-Leste.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here