Diretór Sentru Formasaun Jurídika no Judisiál (CFJJ - sigla Português), Antonino Gonçalves. Imajen/Dok.Tatoli

DILI, 17 agostu 2020 (TATOLI)-Sentru Formasaun Jurídika Judisiál (CFJJ-sigla portugés) fó formasaun lian portugés ba ofisiais justisa na’in-60-resin.

Notísia Relevante : CFJJ Seidauk Rekruta Formandu 45 atu Sai Juíz no Defensór Públiku

Ofisiais justisa sira-ne’e durante ne’e haknaar an iha Tribunál, Ministéiru Públiku, Defensoria Públika, inklui funsionáriu Ministériu Justisa nian balun.

Sira hahú tuir formasaun  lian portugés ba nivel báziku no médiu iha inísiu fulan juñu no sei termina iha tinan ikus 2020.

Diretór  Sentru Formasaun Jurídika Judisiál (CFJJ), Antonino Gonçalves, hateten, formasaun ne’e oinsá eleva koñesimentu ofisiais justisa sira-nian iha lian portugés hodi fasilita liután servisu, tanba prosesu sira barak uza lian portugés tanba ne’e presiza iha koñesimentu natoon.

Ba Agência Tatoli, ohin, Antonino Gonçalves, hateten, Sentru Formasaun Jurídika no Judisiál kontratu formadór sira hodi Portugal mak fó formasaun lian portugés aléinde formasaun iha lian Tetun jurídiku  no sira seluk tan.

“Ba daudaun ne’e Professor na’in-tolu (3) no balun sei auzente hodi fila-fali ba nia rain tanba COVID-19 nune’e seidauk bele fila,” informa Antonino Gonçalves.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here