Ministru Justisa, Manuel Cárceres da Costa. Imajen/Antonio Goncalves

DILI, 13 agostu 2020 (TATOLI)-Ministériu Justisa (MJ) haruka ona lista naran dadur hamutuk na’in-180-resin ba  Prezidente Repúblika (PR), Francisco Guterres “Lú Olo”, atu  bele hetan indultu iha selebrasaun loron konsulta popular iha loron 30 agostu, tinan ne’e.

Notísia Relevante : COVID-19 : Xefe Estadu Fó De’it Indultu ba Prizioneriu Na’in-184

Tuir lei númeru 5/2016 artigu 7 alínea d, Ministru Justisa  hato’o de’it prosesu pedidu indultu bele mai husi dadur, família, defeza ka kestaun  ho kondisaun moras no kompeténsia atu deside husi Presidente Repúblika mak bele fó.

“Ita haruka ba tiha ona pedidu dadur na’in-180-resin  ba iha Gabinete Prezidénsia Repúblika  hodi hein kompeténsia Prezidente Repúblika  nian atu deside fó indultu, hanesan rekizitu ne’ebé iha  primeiru dadur ne’e tenke kumpre pena um terço,” hateten Ministru Justisa, Manuel Carcéres da Costa, ohin, ba Agência Tatoli, iha nia kna’ar fatin, Caicoli, Dili.

Jornalista   : Nelson de Sousa  

Editór        : Francisco Simões

HAKEREK NO HATÁN

Please enter your comment!
Please enter your name here