Diretór Edukasaun Rejionál Oekuse, Daniel Mauno. Imajen TATOLI/Cipriano Colo

DILI, 11 agostu 2020 (TATOLI)-Diretór Edukasaun Rejiaun Administrativa Espesiál Oé-Cusse Ambeno (RAEOA), Daniel Mauno, informa tuir planu Ministériu Edukasaun Juventude no Desportu, iha semana ida ne’e sei halo ona distribuisaun ekipamentu ba prevensaun COVID-19 ba eskola sira iha RAEOA.

Nia dehan tuir planu Vise Ministru Edukasaun Juventude no Desportu, António Guterres maka sei hamutuk ho ekipa sei dezloka ba RAEOA hodi distribui fasilidades hirak ne’e no iha ámbitu hanesan sei re-abertura ba eskola balun iha loron 14 fulan-agostu ne’e.

Notísia Relevante :RAEOA sei re-ativa tan eskola 10

MEJD sei distribui ekipamentu prevensaun COVID-19 nian maka hanesan máskara, sabaun fase liman, hand sanitizer, dezinfektan, thermoscan no seluk tan.

“Ha’u seidauk hetan lista eskola sira ne’e tanba ekipa avaliasaun mak hatene kona-ba eskola hira mak atu re-abertura maibé ha’u bele dehan loos duni sesta agora iha serimonia re-abertura eskola,” relata nia ba Tatoli via telefone.

Entretantu, Eskola akreditadu iha RAEOA hamutuk 100, tolu re-ativa ona prosesu aprendizajen ba estudante sira no tuir planu iha tempu badak sei re-ativa tan 10.

Notísia Relevante :RAEOA foin re-ativa eskola tolu

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here