Imajen/Kontribuidór: Cardoso Sarmento

DILI, 11 agostu 2020 (TATOLI)–Prezidente Komisaun Organizadora Sentu Buibau, Domingos António Fraga hateten, ohin, sarani sentru Buibau prontu atu ba simu ilás Santo António hosi Parókia Santo António Baucau ne’e prepara masimu ona tanba preperasaun ne’e hahú hala’o hosi marsu to’o ohin loron.

Notísia Relevante: Sarani Baucau la’os “muturabu” maibé “muturau”

“Ami-nia preparasaun ba loron ohin ninian ne’e 100 % ona, tanba ami hahú iha fulan marsu to’o mai ohin loron, ami-nia preparasaun di’ak ona. Ohin, ami hotu-hotu konsentra iha kruzamentu Ianabere, Larigua, Buibau mak ami halo prosisaun ba to’o Parókia Vila-Antiga,” dehan Domingos António ba Ajénsia TATOLI liuhosi telefonika, tersa ne’e.

Nia informa, sarani sira  ne’ebé atu simu ilás Santo António ne’e hosi estasaun Suku Buibau, Wailili, Gariwai no Samalari,  no sarani sira ne’e konsentra hotu iha zona Fatumaka nian, iha ne’ebá maka sira halo prosesaun ba Parókia atu simu ilás Santo António.

Prezidente komisaun organizadora ne’e hateten, sarani Buibau entuziasmu tebes atu simu ilás Santo António tanba ohin loron sai koronél ba Parókia Santo António Baucau no mós nu’udár sai ami-nia paderueiru (mahein) estasaun Igreja Buibau nian, tanba ne’e sarani sira sei halo prosisaun hodi lori ilas Santo António ba liu iha sub-estasaun Belavista.

Nia informa, ilás Santo António vizita sub-estasaun Belavista no hafoin hala’o misa agradesimentu, loron tuir mai sei lori hukas ilas ilas Santo António sei fila-fali bai ha estasaun  Suku Buibau no to’o loron 13 agostu sei lori fila-fali ilás Santo António ba iha Parókia Santo António Baucau.

Nia esplika, durante sira-nia preparasaun ne’e sira deside atu halo karta kontribuisaun maibé sira koordena malu ho lidér lokál sira fó hatene ba kada família ida oferese oferta ida tuir kbiit ne’ebé sira iha.

“Ita halo karta kontribuisaun maibé ita hato’o ba lidér lokál sira hanesan Xefe Suku no Xefe Aldeia sira atu fó hatene ba kada família ida oferese oferta lihosi tuir sira-nia kbiit ne’ebé maka iha. Kona-ba konsellu jerál mós ami la hosi karta kontribuisaun maibé voluntariamente ami ko’alia ho funsionáriu Buibau oan sira e’ebé hela iha Dili no munisípiu sira fó sira-nia kontribuisaun lihosi materiál no osan. Hosi ne’e maka ami jere fila-fali uza iha fatin rua ida maka sub-estasaun Belavista no ida iha estasaun no Buibau durante loron tolu no kalan tolu,” nia esplika.

Jornalista  :  Osória Marques 

Editór          :  Cancio Ximenes

HAKEREK NO HATÁN

Please enter your comment!
Please enter your name here