Fatin kuarentena iha merkadu fronteira iha Batugade, Munisípiu Bobonaro. Imajen Tatoli/Antónia Gusmão

DILI, 10 agostu 2020 (TATOLI)-Koordenadora Jerál Komisaun Prevensaun COVID-19, Odete Viegas da Silva, hateten Kuarentena iha Motain-Batugade, Postu Administrativu Balibo Munisípiu Bobonaro to’o ohin seidauk bele funsiona tanba sei iha prosesu aprovizionamentu ba kontratu kompaña Catering no limpeza inklui lavandaria nian.

Kuarentena Motain iha kuartu hamutuk 35 ne’ebé kompleta ona ekipamentu hanesan kolxaun, meza, kadeira no seluk tan, maibé seidauk bele funsiona hodi akumula Timoroan no Estranjeiru ne’ebé tama  territóriu Timor-Leste liuhosi fronteira terrestre Motain.

Notísia Relevante :Kuarentena iha Dili no Liquiçá Preparadu

”Maibé ha’u espera katak semana ida ne’e nia laran tenki rezolve ona tanba Ministra mós fó hela instrusaun oinsá prosesu aprovizionamentu no prosesu lojístika tenki la’o lalais tanba servisu sira ne’e kle’ur oituan,” katak Eis Diretóra Jerál HNGV, Odete Viegas da Silva, ba jornalista sira iha HNGV segunda ne’e.

Nia dehan fatin ne’e sei komesa funsiona hafoin Ministériu finaliza prosesu aprovizionamentu ba kompaña sira iha tempu badak.

Entretantu, Ministériu Saúde oras ne’e prepara ona Kuarentena Tasi-Tolu ho totál kama hamutuk 230 no Kuarentena Tibar Postu Administrativu Bazartete Munisípiu Liquiça iha kama hamutuk 31.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here