Diretór Jerál Ministeriu Soliedariedade Sosial no Inkluzaun (MSSI), Rui Manuel Gago Exposto. Imajen/Nelson Sousa

DILI, 06 agostu 2020 (TATOLI)–Ekipa verifikasaun Ministériu Solidaridade Sosiál no Inkluzaun (MSSI), horisehik, finaliza ona prosesu verifikasaun dadus reklamasaun hosi munisípiu 12 inklui Rejiaun Administrativa Espesiál Oé-Cusse Ambeno (RAEOA) ho rezultadu verifikasaun sa’e ba ema na’in-16.000-resin.

Notísia Relevante: Iha Faze Rekonsiliasaun Dadus, MSSI Rejistu Reklamasaun Provizoriu 14.000-Resin

“Ita-nia ekipa verifikasaun finaliza ona prosesu verifikasaun reklamasaun nian ho totál reklamante hamutuk rihun 16-resin. Ida-ne’e, ita hanoin reklamasaun ne’e sa’e maka’as liu tanba antes ne’e ita iha reklamasaun hamutuk rihun 14-resin de’it,” Diretór Jerál MSSI, Rui Manuel Gago Exposto, dehan ba Agência TATOLI TATOLI, iha nia knaar fatin MSSI Caicoli, Dili, kinta ne’e.

Ho aumentu reklamasaun ne’e, nia hateten, foin mak autoridade munsipál sira haruka tan mai no dadus hirak ne’e maihosi munisípiu Bobonaro no Ermera nian.

“Maske aumenta reklamsaun maibé la signifika sira atu hetan hotu subsídiu $200 ne’e. Bainhira sira haruka mai ami, ami simu de’it dadus. Tanba, ne’e buat hotu-hotu tuir regra no kritériu hosi Governu nian,” nia hateten. 

Nia dehan kritériu hatama reklamasaun bazeia dekretu governu ba agregadu familiar ne’e dehan depois iha loron 15, mak dadus hirak ne’e hosi xefe aldeia no xefe suku hafoin enkamina mai iha munisípiu depois manda ba Ministériu Administrasaun Estatál (MAE).

“Enatun ami ne’e simu dadus maibé iha avaliasaun ne’e ita sei haree. La’ós sira hatama ona mai ne’ebé sira iha direitu tenke simu ne’e lae,” nia dehan. 

Notísia Relevante: Horisehik, Ekipa Verifikasaun MSSI Hatama Ona Dadus Reklamasaun Hamutuk 10.236

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here