Osan Dolar Amerikanu. Imajen/Espesiál

Notísia ne’e halo ona retifikasaun mak: http://www.tatoli.tl/2020/08/07/governu-asina-akordu-ho-banku-mundial-sobre-projetu-best/

Ba atensaun tomak, obrigadu.

Redasaun

DILI, 05 agostu 2020 (TATOLI)-Governu Timor-Leste liuhosi Ministériu Finansa kuarta ne’e selebra akordu ida ho Banku Mundiál hodi impresta osan millaun $ 15 ba implementa projetu Basic Education Estrengthening and transformation project (BEST-sigla Ingles) durante tinan lima, hahú 2020 to’o 2025.

MoU ne’e asina husi Ministru Finansa, Fernando Hanjam ho Reprezentante World Bank, Macmillan Anyanwu, iha edifísiu Ministériu Finansa, Aitarak-Laran Dili.

Notísia Relevante : TLCE Husu MEJD Estuda Filafali Projetu BEST

Projetu BEST ne’e sei foka ba kontrusaun no reabilitasaun edifísiu eskola sira, kompleta materiál aprendizajen, avaliasaun no utiliza prosesu planeamentu orsamentu implementasaun bazeia ba dadus (data driver).

Tuir akordu TL sei benefisia de’it millaun $ 8.55 husi millaun $ 15 ne’e tanba projetu ne’e implementa ho durasaun durante tinan lima.

“Intensaun loloos husi projetu BEST ne’e rasik mak atu foku liubá konstrusaun no reabilitasaun aula ka sala de eskola,”tenik Governante.

Fernando Hanjam, hateten investimentu ba setór edukasaun importante tanba nasaun investe ninia ema atu suporta prosesu dezenvolvimentu.

“Ha’u espera ita sei servisu hamutuk hodi atinje ita hotu nia objetivu hodi bele hetan rejultadu ne’ebé atu haforsa edukasaun ba labarik sira iha ita-nia nasaun no ms potensialmente transformativu husi inisiativa ne’e,”dehan Hanjam.

Tuir estimasaun projetu BEST durante tinan lima ne’e sei gasta orsamentu ho valór millaun $ 23.5.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here