Diretur Exekutivu Óspital Referal Suai, Bernadino Armandu da Silva. Imagen Jogerjo Guterres.

DILI, 05 agostu 2020 (TATOLI)-Governu liuhosi Ministériu Saúde (MS) to’o kuarta ne’e halo ona pagamentu ba Kompaña no Otél forñesidór hahán no hela fatin ba abitante sira iha kuarentena obrigatóriu durante implementasaun Estadu Emerjénsia ba prevensaun COVID-19 hamutuk 33.

Iha loron 21 fulan-jullu liubá MS foin maka halo pagamentu ba kompaña no otél hamutuk 23, husi númeru ne’e otél hamutuk 19 no kompaña forñese hahán hamutuk 14.

No to’o iha loron 05 fulan-agostu ne’e selu tan kompaña no otél hamutuk 10 hodi kompleta hamutuk 33.

”Husi kompaña 33 ne’e iha kompaña fornesimentu hahán hamutuk 21 no otél hamutuk 12 mak osan tama ona,” informa Diretór Aprovizionamentu Ministériu Saúde, Bernadino da Silva ba Agência Tatoli, iha ninia servisu fatin Caicoli Dili.

Notísia Relevante Governu Selu Ona Kompañia no Otél 23

Otél no kompaña catering 33 ne’e maka Golgota Otél, Helfia Unipessoál LDA, Otél Vila Verde, Time Square, Development LDA, D’City, Fantiza Apartement, Felicia Qeen, Otél Lecidere.

Mesirom Restaurante, Surprise Unipessoál LDA, Vianey Catering Unipessoál LDA, Bemmequer Restaurante, City Cafe Unip LDA, Dapur Timor, Ervel Co LDA, Fortuna New Vir,

Otél no Restaurante Audian LDA, Kety Bakery no Catering Unip LDA, Make Peace Enterprice Sakura Tower LDA, Mattrozec Gares Unip LDA, Montez Frere Unipessoál LDA, Nober Unipessoál LDA, Proniamor Company, Dapur Sei LDA.

Luz Clarita II Unipessoál LDA, Mansion Guest House Unipessoál LDA Mesirom Restaurante Unipesoal LDA, Sol e Mar Unip LDA, Vermalhoza Unipessoál LDA.

”Kompaña ne’ebé mak ita kontratu ne’e hamutuk 51 maibé osan ne’ebé mak tama ona  bankaria ne’e  hamutuk 33,  no otél  ho catering hamutuk 18 mak osan  seidauk tama,”tenik tan.

Ba kompaña no otél sira ne’ebé seidauk halo pagamentu, Ministériu Saúde daudaun ne’e aselera ona prosesu dokumentu hodi halo ona pagamentu iha tempu badak.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here