Deputado FRETILIN, Joaquim dos Santos. Imajen Tatoli/Egas Cristóvão

DILI, 27 jullu 2020 (TATOLI)—Prezidente Komisaun A (Justisa no Konstitusionál), Deputadu Joaquim dos Santos, konsidera Lei Pensaun Vitalísia ne’ebé atu integra ba Seguransa Sosiál pertinente.

Notísia Relevante: Proposta Rejime Jurídika Seguransa Sosiál Ba Eis Titulár Submete Ona Ba Komisaun A

Iha semana kotuk, Ministériu Solidaridade Sosiál no Inkluzaun (MSSI) hatama proposta hodi husu pensaun vitalisia submete ba insitusaun seguransa sosiál.

Prezidente Komisaun A, Deputadu Joaquim dos Santos, konsidera proposta Governu nian ne’e di’ak tebes hodi nune’e hotu-hotu konsentra iha fatin ida atu iha tranparánsia.

Nia dehan, filozofia uluk ne’e diferente tanba momentu ne’ebá kontestu filozofia no pensamentu diferente ne’e mak mosu norma pensaun vitalísia ne’e mosu.

“Maibé ita-nia situasaun muda-aan, polítika sira mós konsensiliziadu ona hodi muda tiha ba seguransa sosiál di’ak liután nune’e fásil kontrola depois estadu mós sente organizadu,” dehan Joaquim dos Santos iha resintu Parlamentu Nasionál, segunda ne’e.

Nia esplika, direitu eis-titulár sira ne’e konstitusaun mak fó ne’ebé atu ezerse direitu ne’e tenke liuhosi lei maibé lei tenke liuhosi konstitusaun labele viola fali konstitusaun.

“Ami haree tiha ona nia pareser, semana oin mak ita konsege, ita bele hatama ona ba meza Parlamentu Nasionál kona-ba seguransa sosiál ne’e,” dehan nia.

Nia hatutan, proposta Governu nia di’ak hodi hadi’a sistema kontrola direitu legál órgaun titulár sira-ne’e, tanba ne’e laiha problema.

Komisaun A sei haree ida-ne’ebé mak ladún di’ak no fó prejuizu ba estadu tenke hadi’a maibé ne’ebé mak di’ak ona sei mantein.

“Importante mak ne’e, lei tenke a-favór ba estadu, labele a-favór fali ba individu. Tanba ne’e mak atu armoniza lei sira-ne’e atu fó kondisaun ba ezersísiu polítiku ne’e la problema  no la fó prejuizu ba estadu,” nia sublina.

Jornalista : Evaristo Soares Martins

Editór      :  Cancio Ximenes

HAKEREK NO HATÁN

Please enter your comment!
Please enter your name here