Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 22 jullu 2020 (TATOLI)- Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto rekoñese katak mídia online TATOLI-Agência Noticiosa de Timor-Leste,IP, atualiza ka públika informasaun ida ne’ebé mak atuál no akurásia (loloos) ba públiku sira.

“Ho ida ne’e, ba futuru TATOLI presiza eleva nia kualidade informasaun katak informasaun balun ne’ebé mak seidauk klaru karik, atu di’ak liu buka no peskiza para kompleta nune’e notisía ne’e relevante no akurásia,” Diretór Rui Manuel Gago Exposto hatetena ba jornalista Agência TATOLI, iha nia knaar fatin MSSI Caicoli, Dili, ohin.

Tuir ezekutivu ne’e katak bainhira loke mídia sosiál ka fecebook notisía mídia TATOLI sempre atualiza lais no atuál. “Tuir ha’u-nia observasaun ba pájina faecebook, TATOLI nia notisía lais no atuál tebes. Antes mídia seluk fó sai informasaun, TATOLI iha ona facebook ona, TATOLI públika uluk tiha ona”, nia konsidera.

Diretór Rui Manuel Gago Exposto dehan TATOLI.IP kompleta ona ba tinan haat (4) maibé tenke asegura di’ak liutan no servisu ho profesionál hodi buat hotu la’o di’ak no kontinua susesu iha futuru.

“Ha’u hakarak motiva ita-boot sira (jornalista) atu servisu di’ak liután mezmu ho situasaun COVID-19 maibé TATOLI kontinua hala’o servisu nu’udar jornalista profesionál iha área jornalizmu nian. Iha Estadu Emerjénsia mós kontinua hala’o servisu iha vida jornalizmu hodi fó-sai informasaun ne’ebé mak atuál no akurasia ba públiku sira, maibé tenke buka informasaun ne’ebé mais atuál”, nia adianta.

Ezekutivu ne’e hato’o mós mensajen ba TATOLI, iha ámbitu selebrasaun aniversáriu ba da-haat ne’e, liliu ba jornalista sira katak:

“Nafatin mantein professionalizmu hanesan jornalista ida no hein informasaun hirak ne’ebé seidauk klaru no sei iha dúvida ruma iha informsaun karik, di’ak liu uza informasaun ho parte relevante hotu para nune’e públika informasaun ne’e, labele hamosu konfuzaun ba públiku sira”.

“Parabéns ba TATOLI.IP. no Parebéns ba jornalista sira atu kontinua servisu ho profesionalizmu hodi fó informasaun ne’ebé mak loloos no momoos. Parabéns”.

Notísia relevante:Ministru Salvador Dezeja Agência Tatoli Kontinua Presta Servisu Di’ak

Jornalista : Osória Marques
Editor      : Rafy Belo

HAKEREK NO HATÁN

Please enter your comment!
Please enter your name here