Ministru Obra Públika, Salvador Eugênio Soares dos Reis Pires. Imajen Tatoli/Egas Cristovão

DILI, 22 jullu 2020 (TATOLI) – Relasiona ho ezisténsia Agência Tatoli hanesan mídia estatál ne’ebé durante ne’e divulga informasaun, Ministru Obra Públika, Salvador Eugênio dos Reis Soares Pires, dezeja atu kontinua presta servisu di’ak liu ba públiku no nasaun.

Agência Tatoli sei selebra aniversáriu ba dala-haat iha loron 27 julllu iha tinan ne’e.

“Ministériu Obra Públika (MOP) agradese tebes servisu Tatoli nian hanesan mídia ne’ebé prominente para atu disemina informasaun ba atividade no programa ne’ebé Ministériu Obra Públika implementa no iha hela prosesu. Dezeju susesu tomak ba Tatoli ho ninia ekipa tomak, ba jornalista sira ne’ebé servisu iha Tatoli atu kontinua presta servisu di’ak,” hateten Ministru Salvador iha Palásiu Governu, foin lalais ne’e.

Governante ne’e dehan susesu liután lori Agência Tatoli sai mídia ida importante iha nasaun ayu nafatin disemina dezenvolvimentu rai-laran ba povu.

“Kontinua servisu di’ak nafatin,” Salvador afirma.

Agência Tatoli hanesan Ajénsia Notisioza Estadu Timor-Leste ho estatutu Institutu Públiku, tuir Dekretu Lei númeru 21/2017, 24 maiu ne’ebé antes ne’e fó naran Agência Noticiosa Timor-Leste (ANTIL) liuhosi Rezolusaun Governu númeru 9/2016, 14 marsu, hanesan TATOLI ne’ebé estabelese iha loron 27 jullu 2016.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here