Ministru Justisa, Manuel Cárceres da Costa. Imajen Tatoli/Antonio Goncalves

DILI, 22 jullu 2020 (TATOLI) – Relasiona ho ezisténsia Agêncía Noticiosa de Timor-Leste, Tatoli, Institutu Públiku, hanesan mídia Estadu ne’ebé sei komemora nia aniversáriu ba dala-haat iha loron 27 jullu, tinan ne’e, Ministru Justisa (MJ) Manuel Cárceres da Costa, fomenta katak durante ne’e Tatoli hahú hatudu avansu.

Notísia Relevante : Notísia TATOLI Sai Referénsia Ba Meiu Komunikasaun Sira Hotu

“Di’ak tanba imi avansa ona tanba notísia sira ha’u haree imi hakerek balun ho lian Tetun, Portugés no Inglés. Ida-ne’e hatudu avansu boot ida ba Tatoli. Ho nune’e Parabens ba Tatoli no vida naruk,” hateten  Ministru Justisa Manuel Cárceres da Costa, ohin, iha Palaçio do Governo.

Nia husu Tatoli tenke firme ho imparsialidade hanesan órgaun komunikasaun sosiál Estadu nian ne’ebé profisionál.

“Tenke hato’o liafuan ida verdade ne’e no ida ne’ebé sala hateten sala, ida ne’e mak dehan imparsialidade, ne’ebé dala ida tan parabens ba imi Tatoli,” tenik Ministru Manuel Cárceres.

Nia mós rekomenda ba ekipa hotu atu kontinua halo avaliasaun ba nia-an, estuda maka’as, hodi hadi’a di’ak liu tan, nune’e lori instituisaun ne’e ba oin, hanesan órgaun komunikasaun sosiál hodi serve públiku no interese Estadu nian.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here