Ministra Saúde, Odete Maria Freitas Belo. Imajen Tatoli/Egas Cristovão

DILI, 21 jullu 2020 (TATOLI)-Tuir dadus estatístika nasionál Ministériu Saúde nian fó sai hahú fulan-janeiru to’o meadu fulan-jullu ne’e rejista ona pasiente ho moras dengue hamutuk rihun ida-resin no na’in 10 maka mate ona iha territóriu Timor-Leste.

Ministra Saúde, Odete Maria Freitas Belo, hateten atu redúz moras dengue iha Timor-Leste maka profisionál saúde sira kontinua esforsu hodi kombate liuhosi meius promosaun saúde no abate ka rega ai-moruk kimíku ba fatin sira ne’ebé maka risku atu susuk moris ba.

Notísia Relevante :Dengue Hamate Ema Na’in 10, Risku iha Munisípiu Tolu

Ilustrasaun

”Ami la tuur nonok no pesoál saúde sira nafatin esforsu atu reduz moras dengue ida ne’e,”dehan Ministra Saúde ne’e, ba jornalista sira iha Caicoli hafoin hasoru malu ho Vise Primeiru-Ministru no Ministra Solidaridade Sosiál no Inkluzaun Sosiál, Armanda Berta dos Santos, iha Caicoli, tersa ne’e.

Atu prevene moras dengue, nia esplika família idaidak tenki kontribui liuhosi meius prevensaun simples sira hanesan aruma roupa ho didi’ak proibiu labele tara arbiru, taka bee nalihun sira, hamoos uma hun, garante ambiente ida moos no seluk tan.

Tuir nia moras dengue la risku ba ema seluk kompara ho COVID-19 tanba la hada’et liuhusi kontaktu ema ho ema maibé liuhosi susuk tanba ne’e fasil atu kombate  ho asaun hamoos uma hun no garante ambiente ida moos no seguru ba família idaidak.

Notísia Relevante :Dengue Atake Ema Na’in 1050, Ualu Mate

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here