Komísariu CAC, Sergio Hornai. Imajen Tatoli/Egas Cristóvão

DILI, 20 jullu 2020 (TATOLI) – Komisáriu Komisaun Anti-Korrupsaun (CAC), Sergio Hornai, hateten presiza iha dekretu lei komplementár, nune’e, bele apoiu liu tan implementasaun lei Medida Prevensaun no Kombate Korrupsaun (MPCC-sigla portugés) kuandu vigor ona.

Notísia Relevante : CAC Apresia Vontade Polítika PN Aprova Ona Lei MPCC

Sergio Hornai hato’o asuntu ne’e hodi responde Agêncía Tatoli, ohin, iha Parlamentu Nasionál, hodi aprofunda tan katak, lei komplementár sira ne’ebé CAC hanoin presiza kria tan mak hanesan lei protesaun testemuña, lei denunsiante, lei relasionamentu Cybercrime karik iha informasaun sira bele kontribui.

Nia hateten, presiza mós halo atualizasaun servisu sira internal iha Komisaun Anti-Korrupsaun nian, liu-liu karreira profisionalizmu espesialista anti-korrupsaun ninian ho sira seluk tan, hodi nune’e, fó resposta ba ezijénsia ba lei MPCC entrada em vigor.

Tuir nia, CAC mós sei halo sosializasaun iha territóriu hotu, nune’e entidade hotu bele koñese di’ak liu tan.

Sergio Hornai hateten, presiza mellora rekursu umanu CAC nian rasik, tanba ho lei ne’e mai dezafia CAC oinsá bele halo kompletar ida to’o iha momentu ida bele fó resposta ba implementasaun lei ne’e ho di’ak liu tan.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here