Jestor Biblioteka no Sala Leitura Xanana Gusmao, Gaspar Quintino Freitas Akompanhia ho Ekipa Halo Konferensia Imprensa Konaba Reativa Funsionamento Normal Sala Leitura Xanana Gusmao. Imajen/Egas Cristovão

DILI, 17 jullu 2020 (TATOLI)–Portavoz Jestaun no Membru Konsellu Diresaun (JMKD) Sala Leitura Xanana Gusmão, Gaspar Freitas, ohin, deside atu reativa fila-fali hodi normaliza funsionamentu Sala Leitura Xanana Gusmão iha segunda semana oin (20/7/2020) nune’e públiku bele asesu no fasilita joven no estudante sira bele asesu ba bibleoteka ne’e.

Notísia Relevante: Xanana Lansa Biblioteka Movel Atu Hamoris Kultura Lee Iha Timor-Leste

Gaspar hatutan, Sala Leitura Xanana Gusmão ona regra esensiál balun ba ema hotu-hotu atu obrigatóriu tenke kumpre regra bainhira asesu ba área sala leitura Xanana Gusmão nian.

“Iha pandemia COVID-19 ita la loke bibleoteka. Ami deside atu reativa fila-fali hodi normaliza funsionamentu Sala Leitura Xanana Gusmão iha segunda semana oin (20/7/2020), nune’e públiku bele asesu. Entaun, durante situasaun ne’e, ami halo ona preparasaun lubuk ida hodi kria kondisaun di’ak hodi kumpre nafatin rekomendasaun hosi Ministériu Saúde no Organizasaun Saúde Munidiál (OMS),” dehan Gaspar Freitas ba jornalista sira iha sala bibleoteka Xanana Gusmão, Lecidere, Dili, sesta ne’e. 

Ho kondisaun hirak ne’e, nia dehan, Sala Leitura Xanana Gusmão re-organiza espasu hodi deskonsentra ema ida, tanba ne’ebé mak sala leitura hanoin atu aplika regras balun mak kontinua halo diatansiamentu sosiál, fíziku no limita ema atu asesu ba bibleoteka. 

“Aleinde ne’e, ami mós kria bibleoteka movél ne’ebé hanaran Tuk-Tuk atu deskonsentra ema no Tuk-Tuk mós sei ba vizita fatin intervallu sira hanesan iha Jardín Largo Lesidere, Prezidente BJ Habibie, Jardín Motaél inklui eskola sira atu fó opurturnidade ba ema hodi lee livru kona-ba matématika, saúde, livru istória ba labarik nian no mós istória Timor nian,” portavoz ne’e esplika.

Nia haktuir, seidauk iha propagasaun surtu COVID-19 ne’e Sala Leitura Xanana Gusmão, rejistu fulan ida ema rihun rua ka tolu, maibé agora limita ema loron ida simu 15-20, ne’e inklui ona ho ema ne’ebé asesu internet.

Entretantu, vizitante Sala Leitura Xanana Gusmão, Aldroaldo de Almeida, sente kontente tanba nia iha oportunidade hodi asesu ba Sala Leitura Xanana Gusmaão Rnian tanba aprende buat barak iha ne’ebá.

“Ha’u aprende buat barak iha Sala Leitura Xanana Gusmao. Aleinde lee livru, ami mós hetan konseillu hosi funsionáriu Sala Leitura nian katak iha Sala Leitura Xanana Gusmao ne’e bele tuir semináriu kada semana no mós tuir diskusaun no kursu gratuita kona-ba komputadór sira,” nia dehan.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here