Diretóra JSMP, Ana Paula Marçal. Imajen/Domingos Piedade

DILI, 17 jullu 2020 (TATOLI)-Diretora Ezekutiva Organizasaun la’ós Governu nian (ONG) Programa Monitorizasaun Sistema Judisiál (JSMP-sigla Ingles), Ana Paula Marçal, informa JSMP sei kontinua fó formasaun kona-ba dispozisaun jerál lei penál nian ba estudante universitáriu sira ne’ebé estuda iha Fakuldade Direitu.

Notísia Relevante : JSMP Fó Formasaun Lei Penál Ba Estudante Universitáriu Na’in-70-resin

“Hosi buat ki’ik no matéria hirak ne’ebé fó formasaun ne’e la sees hosi buat ne’ebé daudaun sira aprende hela iha universidade, nune’e, oinsá bele hakle’an liu tan sira-nia koñesimentu, tanba ne’e JSMP sei kontinua fó formasaun,” hateten Diretora Ana Paula Marçal, ohin, ba Agência iha Salaun Treinamentu JSMP, Manleuana, Dili.

Ba oin, Ana Paula Marçal hateten, JSMP sei dezenvolve di’ak liu tan ba módulu ba matéria sira. Nune’e mós sei servisu hamutuk ho autór judisiáriu hanesan iha Tribunál sira nune’e iha oportunu durante formasaun bele mós fahe sira-nia matenek no esperiénsia sira.

Nolasco Carmo, nu’udar estudante ne’ebé partisipa iha formasaun JSMP nian ne’e konsidera formasaun ne’e importante tebes atu eleva sira-nia koñesimentu, nune’e nia husu JSMP atu kontinua programa refere iha futuru.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here