Estudante Departementu Enjinaria Jeolojia no Petróliu, Universidade Nasionál Timor Lorosa’e (UNTL), Rivaldo Marçal Correia Lay ho Embaixador Japaun iha Timor Leste, Kinefuchi Masami. Imajen/Tome Amado.

DILI, 17 jullu 2020 (TATOLI)-Estudante Departementu Enjinaria Jeolojia  no Petróliu, Universidade Nasionál Timor Lorosa’e (UNTL), Rivaldo Marçal Correia Lay, konfesa katak estuda maka’as maka lori nia hetan ona bolsa estudu dala tolu tutuir malu husi Osaka Gas Foundation Of International Cultural Excange (OGFICE) Japaun.

Nia dehan nia hetan bolsa estudu husi OGFICE Japaun hahú iha tinan 2018, 2019 no 2020.

Notísia Relevante :Estudante UNTL Nain 30 Hetan Bolsa Estudu Husi OGFICE Japaun

Estuda maka’as maka lori nia ba hetan valor boot ho IP 3,22 kategoria prediksaun aas liu kompara ho kandidatu na’in 30 seluk ba programa bolsa estudu ne’e durante tinan 2020.

“Ha’u nunka baruk atu estuda, dala barak ha’u estuda liu tiha oras, ida ne’e tanba motivasaun ne’ebé ha’u simu husi família, ho nune’e bolsa estudu ne’ebé ha’u hetan sai sasukat ida atu nafatin dudu ha’u atu kompete iha kadeira akadémiku,”dehan Nia iha Hera.

Estudante Fakuldade Enjinaria Siénsia no Teknolojia UNTL ne’e dehan hili departamentu enjinaria jeolojia no petróliu tanba hakarak kontribui ba prosesu dezenvolvimentu Timor-Leste liliu iha área enjinaria jeolojia no petróliu.

Notísia Relevante :Japaun Hakarak Fó Bolsa Estudu ba Estudante UNTL To’o Na’in 200

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here