Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI

DILI, 15 jullu 2020 (TATOLI)-Estudante Na’in 30 husi Universidade Nasionál Timor Lorosa’e (UNTL), hetan bolsa estudu husi Osaka Gas Foundation Of International Cultural Exchange (OGFICE) Japaun ho orsamentu $ 15.000 durante  tinan ida no  kada benefisiáriu  simu $ 500.

Magnífiku Reitór UNTL, Francisco Miguel Martins, informa estudante hirak ne’e selesionadu husi Departementu lima hanesan Geology and Petroleum na’in  neen,  Informatic Engineering na’in neen, Civil Engineering na’in neen, Electrical Engineering na’in neen no Mecanical Engineering na’in neen.

“Estudante selesionadu sira ne’e foti husi semester III to’o IX ho valór IP minimu 2,94 ba leten. Bolsu estudu ne’e ofrese husi OGFICE  ho intensaun atu promove liután interkambiu internasionál liuhusi edukasaun iha Timor-Leste no nasaun seluk iha Sudeste Aziatíku atu hari’i amizade no parseria  ida forte liután entre Japaun no Timor-Leste no nasaun sira seluk iha futuru,” dehan Reitór UNTL ne’e ba jornalista sira iha Hera, ohin.

Nia dehan OGFICE komesa oferese programa bolsa estudu ba estudante Fakuldade Enjinaria Siénsia no Teknolojia (FEST) UNTL na’in 20 iha tinan 2012 ho osan $ 10.000.

No iha dezembru 2016 UNTL, JICA no OGFICE revee MoU ne’e hodi aumenta benefisiáriu husi na’in 20 ba to’o na’in 30. OGFICE deside fundu ba programa ne’e ho osan $ 15.000 hahú husi 2017 to’o 2020.

Entretantu, serimonia entrega osan ba bolseiru na’in 30 ne’e hala’o iha Kampus Fakuldade Enjinaria Siénsia no Teknolojia Hera, iha ne’ebé entrega diretamente husi Embaixadór Japaun ba Timor-Leste, Reitór UNTL no Reprezentante JICA iha TL.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here