Kontra-atake entre jogadór Lalenok United FC no Assalam FC iha Estádiu Munisipál Dili, ohin. Imajen Mídia LFA

DILI, 8 setembru 2019 (TATOLI) – Klube promovidu Primeira Divizaun, Lalenok United FC, kandidatu forte kampiaun Liga Futeból Amadora (LFA) époka 2019 hafoin impata ho armada Assalam FC 1-1 iha jogu kontinuasaun ne’ebé hala’o domingu ne’e iha Estádiu Munisipál Dili.

Lalenok kandidatu forte tanba hela de’it jogu tolu hodi termina jogu LFA. Lalenok provizoriamente hetan pontu 23 iha ne’ebé haksoit dook uituan ona hosi ekipa hitu seluk. Enkuantu, Boavista Timor FC mak besik Lalenok ho pontu 19.

Golu Assalam prodúz hosi jogadór Martinho Belo (11) iha minutu 35 no golu Lalenok marka hosi Santiago da Costa (9) iha minutu 74.

Jogu refere dirije hosi árbitru Eufrásio Reis, juis liña Romario Tety, Cristovão Alves no árbitru rezerva, Jaime Gonçalves.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here