Imajen bebé ne’ebé ema soe. Dok. TATOLI

DILI, 10 jullu 2020 (TATOLI)-Espesialista Útero Ospitál Nasionál Guido Valadares (HNGV-sigla portugés), Romualdo Bosco, hateten feto sira ho idade menus 20 ne’ebé kaben sedu kontribui maka’as ba porsentajen kazu mortalidade inan no labarik iha Timor-Leste.

Tuir nia feto sira ne’ebé seguru atu partu maka ho idade husi  20 ba to’o 35.

Notísia Relevante :Kazu Mortalidade Inan no Labarik Kontinua Aas iha TL

”Maibé ita iha Timor ne’e menus liu 20 mak partu tanba dalabarak husi ne’e mak mortalidade inan kontinua sa’e iha ita-nia rain no liliu sira ne’ebé idade 15 mak perigu liu mate tanba sira seidauk hatene sira-nia kresimentu natoon banhira atu partu,” dehan  iha Novu Turizmu, sesta horiseik.

Bazeia ba dadus peskiza demográfika tinan 2016, rejista mortalidade inan kontinua sa’e ba 195 /100.000, tanba ne’e Timor-Leste tama iha nasaun ho kategoria mortalidade aas iha rejiaun Sudeste Áziatiku.

Númeru mortalidade aas tanba kontribui husi fatór hirak tuirmai maka feto sira isin-rua ho tinan kiik, daruak, inan sira ne’ebé iha ona oan barak.

”Ita-nia problema iha timor ida tan mak ne’e inan sira ho idade 35 too 50 mós sei isin rua entaun ida ne’e maka halo inan-sira mate ho númeru boot kompara no nasaun sira iha Sudeste Aziátiku nian depois inan sira isin rua barak mak la asesu ba tratamentu saúde tanba sira hela iha fatin izoladu entaun difikulta ba sira hodi mate ho partus,” nia esplika.

Jornalista : Felicidadade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here