Bebé foin moris. Ilustrasaun

DILI, 10 jullu 2020 (TATOLI)-Vise Ministru Saúde,Bonifácio Maucoli dos Reis, hateten tuir dadus Demographic survey Ministériu Saúde nian iha tinan 2016 fó sai kada tinan taxa mortalidade inan no labarik kontinua aumenta maka’as.

Dadus peskiza demográfika tinan 2016, rejista mortalidade inan kontinua sa’e ba 195 /100.000 tanba ne’e Timor-Leste tama iha nasaun ho kategoria mortalidade aas iha rejiaun Sudeste Áziatiku.

”Haree númeru mortalidade bebé nian ne’e laiha mudansa no kuaze 40% husi mortalidade labarik tinan lima mai kraik signifika ita Timor-Leste taxa  ba bebe kontinua aas kompara  ho nasaun seluk ,”dehan Vise Ministru Saúde, Bonifácio Maucoli dos Reis, durante ninia diskursu ba programa worshop kolokiu nasionál kona-ba vijilánsia no resposta inan ho oan iha Novu Turizmu Dili, ohin.

Atu redúz númeru mortalidade inan no labarik iha TL, inan isin-rua sira presiza halo kontrolu iha Sentru Saúde, Postu Saúde no Ospitál sira durante gravida nune’e bele partus ho normal.

Iha tinan 2018, Ministériu Saúde implementa  rekomendasaun husi Organizasaun Nasaun Unidus (ONU), Organizasaun Mundiál Saúde no UNICEF mak introdús no integra sistema vijilánsia no  proposta mortalidade bebe foin moris ba sistema vijilánsia mortalidade inan.

Sistema vijiánsia ba motarlidade inan no perinatal sai matadalan ba Ministériu saúde hodi rezolve problema mortalidade iha Timor-Leste.

”Fasilidade saúde sira tenki revee ba mortalidade inan no perinatál ne’ebé akontese iha fasilidade saúde no ekipa vijilánsia mortalidade materna no perinatál ne’e mós presiza identifika no halo revee ba mate hira ne’ebé mak akontese ba iha komunidade no liuhusi autopsia verbál ne’ebé bele dezeña planu resposta komprensivu hodi prevene kazu mortalidade inan no oan iha futuru,” esplika Vise Ministru Saúde.

Iha nivél nasionál nian, tuir Governante ne’e katak Komisaun Materna Perinatál Dealt surveillance Response ninia kompromisu mak revee kazu mortalidade inan no perinatál ne’ebé relata husi Munisípiu hodi tau iha planu orsamentu kada tinan.

Governu liuhusi Ministériu Saúde servisu hamutuk ho parseiru internasionál hanesan UNICEF, OMS, ONU estabelese ona sistema vijilánsia no respota ba mortalidade iha ho oan iha tinan 2015 ho objetivu atu relata, implementa hodi halo prevensaun ba kazu mortalidade hasoru inan no oan.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here