Estudante Eskola Sekundária Tekniku Vokasionál Teknolojia Industrial Bekora Antes Tama Eskola Fase Liman hodi Prevensaun Surtu COVID-19, Dili. Imajen/Egas Cristovao

BAUCAU, 11 jullu 2020 (TATOLI)-Estudante Eskola Ensinu Sekundáriu Jerál 02 Vila Nova Baucau hamutuk 1.127, segunda ne’e hahú filafali sira-nia prosesu aprendizajen prejensiál tanba hetan ona re-abertura husi Vise Ministru Edukasaun Juventude no Desportu, António Guterres, iha loron kinta  (09/07).

Adjuntu Diretór, Tito Almeida, hateten husi totál estudante rihun resin  ne’e fahe ba grupu haat. Primeiru Anu husi siénsia sosiál nian fahe ba sala lima no kada sala akumula estudante 25.

Notísia Relevante :Governu Re-Ativa Eskola Lima iha Munisípiu Rua Parte Leste

Nune’e mós estudante siénsia sosiál segundu anu no terseiru anu siénsia naturál sei fahe ba kada sala ema na’in 20.

“Agora husi totál sala ne’ebé ejiste iha ami-nia eskola hamutuk 30  maibé sala ne’ebé estudante sira uza iha de’it 20,” dehan nia ba Tatoli iha Baucau.

Nia dehan prosesu aprendizajen fahe ba parte dader no lokoraik, parte dader ba primeiru no segundu anu, enkuantu parte lokokraik ba terseiru anu.

Totál profesór permanente na’in 46, kontratadu na’in tolu, profesór parsiál (part-time)na’in hitu, seguransa parsiál (part-time) no permanente na’in ida.

Entretantu, eskola públiku ne’e prienxe ona padraun prevensaun COVID-19 tanba oras ne’e instala ona tanke kompleta torneira fase liman, prepara fatin lixu, máskara, garante distansiamentu sosiál no seluk tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here