Prosesu aprendizajen iha sala aula estudante EBF Eraulo nú.230. Imajen Tatoli/António Gonçalves

VIQUEQUE, 10 jullu 2020 (TATOLI)-Governu liuhhosi Vise Ministru Edukasaun Juventude no Desportu (MEJD), António Guterres iha kinta (09/07) re-ativa ona prosesu aprendizajen ba estudante husi eskola Lima iha Munisípiu Baucau no Viqueque tanba prienxe padraun prevensaun COVID-19.

Eskola lima ne’e maka Ensinu Sekundáriu Jerál 02 Vila Nova, Eskola Ensinu Báziku Filiál Bruma, Eskola Ensinu Báziku Paralelu Bruma iha Munisípiu Baucau, Ensinu Báziku Sentrál 13 no Ensinu Sekundáriu Jerál Uatucarbau Munisípiu Viqueque.

Tuir relatóriu husi Edukasaun  Munisípiu Baucau relata Muníspiu ne’e iha totál eskola hamutuk 328, 224 re-ativa ona prosesu aprendizajen no 104 sei iha faze preparasaun. Enkuantu Munisípiu Viqueque iha totál eskola 151 re-ativa hotu ona hahú iha loron 01 fulan-jullu.

“Ha’u simu relatóriu husi Diretór Munisípiu rua ne’e katak eskola lima ne’e preparadu ona entaun ha’u deside mai halo verifikasaun no ha’u haree eskola sira ne’e merese duni re-ativa ona tanba kumpre ona rekezitus sira ne’e,”dehan Governante ne’e iha Postu Administrativu Uatucarbau Munisípiu Viqueque.

Nia observa katak eskola hirak ne’e prienxe ona padraun prevensaun COVID-19 ne’ebé rekomenda husi Ministériu Saúde (MS) no Organizasaun Mundiál Saúde (OMS) hodi insta;a ona tanke bee moos kompleta ho torneira fase liman, prepara fatin lixu iha kada sala, kria ona distansia sosiál no fiziku iha sala, estudante sira uza máskara no seluk tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here