Diretór Jerál Ministeriu Soliedariedade Sosial no Inkluzaun (MSSI), Rui Manuel Gago Exposto. Imajen/Nelson Sousa

DILI, 08 jullu 2020 (TATOLI)–Diretór Jerál Ministériu Solidaridade Sosiál (MSSI), Rui Manuel Gago Exposto, hateten ekipa pagamentu iha Rejiaun Administrativa Espesiál Oé-Cusse Ambeno (RAEOA) fahe ona osan hamutuk $1.853.400 ba benefisiáriu hamutuk 9.267.

Notísia Relevante: Ekipa Pagamentu RAEOA Rejistu Ona Reklamasaun Hamutuk 90

“Iha loron daruak nian, ekipa pagamentu hosi RAEOA selu ona ita-nia benefisiáriu hamutuk 9.267 ho osan $1.853.400,”dehan Diretór Jerál Ministériu Solidaridade Sosiál (MSSI), Rui Manuel Gago Exposto, ba jornalista sira iha salaun MSSI Caicoli, Dili, kuarta ne’e.

Diretór ne’e haktuir, naran iha lista benefisiáriu hosi RAEOA hamutuk 20.032 no totál montante orsamentu aprovadu ba RAEOA $4.006.400.

Iha relata, iha Sub Rejiaun Nitibe , totál uma-kain ne’ebé simu ona pagamentu hamutuk 2.019, totál osan ne’ebé selu ona hamutuk $403.800 no totál naran iha lista benefisiáriu hamutuk uma-kain 3.503.

Iha Sub Rejiaun Oesilo, totál uma-kain ne’ebé simu ona pagamentu hamutuk 979, totál osan ne’ebé selu ona hamutuk $195.800 no totál naran iha lista benefisiáriu hamutuk uma-kain 3.333.

Iha Sub Rejiaun Pante Macassar, totál uma-kain ne’ebé simu ona pagamentu hamutuk 5.929, totál osan ne’ebé selu ona hamutuk $1.185.800 no totál naran iha lista benefisiáriu hamutuk 11.137.

Iha Sub Rejiaun Passabe, totál uma-kain ne’ebé simu ona pagamentu hamutuuk uma-kain 340, total osan ne’ebé selu ona hamutuk $68.000 no totál naran iha lista naran editadu benefisiáriu sira-nian hamutuk uma-kain 2.059.

Entre benefisiáriu sira ne’e iha benefisiáriu bazeia ba jéneru ne’ebé simu ona pagamentu to’o ohin loron, feto 17,8% no mane sisimu ona ra 82,2% no totál reklamasaun ne’ebé tama to ohin loron hamutuk uma-kain 242.

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here