Ofisiail Funsionariu husi Ministeriu Solidaderidade kontinua halao pagamentu subsidiu $200 ba komunidade sira iha Sede Suku Bairo Pite,. Imajen/Antonio Goncalves

DILI, 07 jullu 2020 (TATOLI)–Diretór Jerál Ministériu Solidaridade Sosiál (MSII), Rui Manuel Gago Exposto, hateten horisehik no ohin, ekipa pagamentu rejistu ona reklamasaun iha Rejiaun Administrativa Espesiál Oé-Cusse Ambeno (RAEOA) hamutuk na’in 90.

Notísia Relevante: Benefisiáriu Rihun 3-Resin iha Oé-Cusse Simu Ona Subsídiu $200

“Horisehik ho ohin, ita-nia ekipa MSSI nian rejistu ona reklamasaun hamutuk na’in-90,” dehan Diretór Jerál Ministériu Solidaridade Sosiál (MSII), Rui Manuel Gago Exposto, liuhosi konferénsia imprensa ne’ebé hala’o iha salaun MSSI, Caicoli, Dili, tersa ne’e.

Tuir nia, ekipa pagamentu MSSI halo ona pagamentu iha Rejiaun Administrativa Espesiál Oé-Cusse Ambeno (RAEOA) ho nia detallu maka hanesan totál uma-kain ne’ebé simu ona pagamentu hamutuk 4.855.

“Totál osan ne’ebé selu ona ba benefisiáriu sira hamutuk $971.000 hosi naran sira iha lista benefisiáriu iha  RAEOA hamutuk na’in 20.032 no totál montante orsamentu aprovadu ba RAEOA $4.006.400,” Diretór ne’e hateten.

Nia informa, pagamentu bazeia ba jéneru, benefisáriu ne’ebé simu ona pagamentu to’o iha loron ohin (tersa, 7/7/2020) nian, feto 17,6% no mane 82,4%.

“Feto ne’ebé mak reprezenta mane ka laen simu pagamentu subsídiu $200 hamutuk 17,6% no mane hamutuk 82,4%,” nia dehan. 

Jornalista : Osória Marques

Editór       :  Cancio Ximenes

HAKEREK NO HATÁN

Please enter your comment!
Please enter your name here