Sekretáriu Estadu Komunikasaun Sosiál (SECOMS, sigla portugés), Mericio Juvinal 'Akara', vizita no halo interasaun ho komunidade sira iha Aldeia Lenuk-Hun, Suku Camea. Imajen Tatoli/Osória Marques

DILI, 06 jullu 2020 (TATOLI)–Sekretáriu Estadu Komunikasaun Sosiál (SECOMS, sigla portugés), Mericio Juvinal ‘Akara’, apresia tebes komunidade sira iha Aldeia Lenuk-Hun, Suku Camea, Postu Administrativu Cristo Rei, Munisípiu Dili,  ne’ebé hakarak onestu ba Governu tanba sira dada ahi ilegál.

Notísia Relevante: Governu Disemina Progresu Dezenvolvimentu Nasionál ba Komunidade Lenuk-huun

Akara hatutan, maski ahi ne’e fornese hosi Governu maibé iha komunidade balun dada ilegál no sira mós rekonese katak dada ilegál ne’e ladi’ak entaun sira onestu no husu para Governu bele monta fali metru prepagu ida atu nune’e bele asegura sira dezastre ruma. 

“Ha’u apresia ho komunidade sira iha Aldeia Lenuk-Hun tanba sira dada ahi ilegál maibé sira onestu, hodi ohin sira bele husu ba Governu atu monta prepagu eletresidade nian, nune’e sira bele asegura hosi ahi ne’e.  Iha fatin balun komunidade dada ahi ilegál maibé subar no la hateten sai,” dehan SECOMS, Mericio Juvinal ‘Akara’, iha Aldeia Lenuk-Hun, Dili, segunda ne’e.

Ba preokupasaun refere, Sekretáriu Estadu Mericio Juvinal hateten nia parte sei hato’o ba parte kompetente atu tau atensaun ba kestaun refere.

“Ha’u sei transmite informasaun ne’e ba nasionál hodi mai regula no rejista,” nia dehan. 

Jornalista : Osória Marques

Editór       :  Cancio Ximenes

HAKEREK NO HATÁN

Please enter your comment!
Please enter your name here