Komandante Polísia Munisípiu Dili, Superintendente Xefe Henrique da Costa. Imajen Tatoli/Dok.

DILI, 07 jullu 2020 (TATOLI) – Komandu Polísia Munisípiu Dili hasai ona desizaun atu  iha semana ne’e halo operasaun másimu hodi kontrola movimentu transporte públiku sira ne’ebé para arbiru iha estrada públiku no kontra regra sinais tránzitu.

Notísia Relevante : Komandu Polísia Dili Halo Konsultasaun Ba Programa Hametin Paz 

Komandante Polísia Munisípiu Dili, Superintendente Xefe Hendrique da Costa, rekoñese iha kapitál Dili públiku sira dala ruma lori karreta no motór para arbiru iha estrada públiku, mezmu Governu harii ona fatin estasionamentu ba karreta no motór.

“Aban ba oin, ita hakarak envolvimentu polísia nian tenke ativu liután hodi kontrola movimentu transporte públiku  no privadu hotu-hotu tenke kumpre regra,” afirma Komandante Hendrique ba jornalista, ohin,  iha Kamara  Dioseze Dili.

Nia dehan, ba transporte sira ne’ebé para arbiru, Polísia Unidade Tránzitu sei halo apreensaun no sei aplika koima ka multa tuir mandamentu Lei Tránzitu nian.

Komandu Munisípiu Dili liuhosi Unidade Tránzitu rasik sei halo mós operasaun hodi kontrola, bus, mikrolete no angguna ne’ebé halo  viajen hosi munisípiu mai Dili tenke ba para iha terminál, Tasi Tolu, Becora no Taibesi.

PNTL mós sei halo operasaun hodi kontrola transporte sira ne’ebé aat ka besi tua ona labele para fali iha estrada ninin ka trotoar leten.

Jornalista   : Eugénio Pereira

Editór        :  Francisco Simões

HAKEREK NO HATÁN

Please enter your comment!
Please enter your name here