Ekipamentus prevensaun COVID-19 nebe ajuda husi Governu Xina, SAMES distribui ona ba Municipio sira para mediku sira utilija hodi halao servisu prevensaun ba COVID-19. Imajen/António Gonçalves

DILI, 07 jullu 2020 (TATOLI)-Ministériu Ensinu Superiór Siénsia no Kultura (MESSK), tersa ne’e distribui ona apoiu fasilidade prevensaun coronavirus ba Instituisaun Ensinu Superiór Públiku no Privada (IESPP) hamutuk 18 iha Timor-Leste.

Ministru Longuinhos dos Santos, maka entrega ekipamentu prevensaun coronavirus hanesan máskara 40.400 no hand sanitizer 442, termometru digitál 28 ne’ebé maka antes ne’e apoiu husi Governu Xina.

“Ha’u hatene apoiu sira ne’e seidauk sufisiente maibé normalmente bele tulun ona instituisaun Ensinu Superiór sira bele kumpre nafatin regra ka norma minimu ne’ebé rekomenda ona husi Ministériu Saúde bainhira halo atividade akadémiku ho sistema prejensiál,”dehan Governante hafoin entrega apoiu ne’e iha edifísiu MESSK Colmera.

MESSK kontinua halo kontaktu ho parseiru dezenvolvimentu sira atu fó tan apoiu ekipamentu prevensaun COVID-19 nune’e bele distribui liutan ba Ensinu Superiór sira ne’ebé sei presiza.

Notísia Relevante :Xina Apoiu Ekipamentu Prevensaun COVID-19 ba MESSK

UNTL simu ona apoiu máskara hamutuk 15.600, hand sanitizer 65 no termometru  digitál  lima. UNPAZ simu maskára 4.000, hand sanitizer 40 no thermometru  digitál tolu.

UNITAL hetan apoiu máskara 4.500, hand sanitizer 40 no thermometru  digitál rua. UNDIL simu  máskara 3.000, hand sanitizer 40 no thermometru  digitál rua. Instituto Politékniku Betanu simu máskara 500, hand sanitize 20 no thermometru  digitál rua.

Instituto Of Bussines (IOB), hetan apoiu máskara 2,000, hand sanitizer 40 thermometru  digitál ida. DIT simu máskara 2,100, hand sanitizer 40 no thermometru  digitál ida. Instituto Superiór Cristál simu máskara 4.000, hand sanitizer 40 no thermometru  digitál rua.

IPDC simu máskara  300, hand sanitizer 10, thermometru  digitál ida. ICS hetan apoiu máskara 1.250, hand sanitizer 15 no thermometru  digitál ida.

ICFP simu máskara 350, hand sanitizer 15 no thermometru  digitál ida. ETCI simu máskara 700, hand sanitizer 10 no thermometer digital ida. ISFIT simu máskara 450, hand sanitizer 10 no thermometru  digitál ida.

ICR simu máskara 450, hand sanitizer 10 no thermometru  digitál  ida .IFFS simu máskara 200, hand sanitizer 10 no thermometru  digitál ida.

ISJB simu máskara 500, hand sanitizer 20 no thermometru  digitál ida. IBTL simu máskara 300, hand sanitizer 10 no thermometru  digitál ida.

No ikusliu maka JSI simu máskara 200, hand sanitizer 10 no thermometru  digitál ida.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here