Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 06 jullu 2020 (TATOLI)-Ministériu Solidaride Sosiál no Inkluzaun (MSSI) servisu hamutuk ho Banku Nasionál Komérsiu Timor-Leste (BNCTL-sigla portugés), halo ona pagamentu subsídiu $ 200 ba Xefe Família hamutuk 3.233  iha Rejiaun Administrativa Espesiál Oé-Cusse Ambeno (RAEOA).

Tuir lista pagamentu uma-kain rihun 20-resin iha maka sei simu subsídiu Governu ne’e ho totál orsamentu millaun $ 4.640.

Notísia Relevante :Governu Esforsu Finaliza Pagamentu Subsídiu $200 iha Loron 14 Nia Laran

“Oé-Cusse nia pagamentu hala’o hahú 4 jullu ne’e loron rua ba horseik (05/07) ekipa sira konsege fahe ona ba família uma-kain hamutuk 3.233 ho totál osan ne’ebé simu ona hamutuk  rihun 644 resin,” relata Diretór Jerál MSSI, Rui Manuel Gago Exposto  iha Caicoli, segunda ne’e.

Husi sumáriu ba progresu pagamentu nivél sub rejiaun ninian, iha Nitibe ho totál família 519 maka simu ona pagamentu ho osan  rihun $ 103.800, totál uma-kain iha Nitibe hamutuk 3.503.

Notísia Relevante :Ezekusaun Prosesu Pagamentu Subsídiu $200 Atinje Ona 94%

Iha Sub Rejiaun  Oesilo, benefisiáriu 3.333 maka rejistu no sira ne’ebé mak simu ona pagamentu hamutuk 399 ho osan rihun $ 79.000.

Rui Manuel Gago Exposto, hatutan iha parte sub rejiaun Pante Makasar ho totál benefisiáriu hamutuk  11.137 no família 1.965 maka simu ona ho osan $ 300.093

Nia hatutan, iha Sub Rejiaun Pasabe iha uma-kain  2059, família 340 maka simu ona subsídiu Governu $ 200.

Entretantu, prosesu pagamentu hala’o ona iha loron 04 fulan-jullu no sei ramata iha loron 14 fulan hanesan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here