Diretora FOKUPERS, María José Gutiérres. Imajen/Evaristo Soares Martins.

DILI, 03 jullu 2020 (TATOLI)–Durante implementasaun Estadu Emerjénsia hahú husi 26 marsu-30 juñu 2020, Forum Komunikasaun ba Feto Timor-Leste (FOKUPERS) rejistu kazu violasaun hasoru feto no labarik hamutuk 23.

Diretora FOKUPERS, María José Gutierres, informa kazu violasaun hasoru feto no labarik sira sira-ne’e maioria violénsia doméstika, violasaun seksuál ba labarik minoridade, violasaun públiku, no kazu abandona.

Notísia Relavante: Relatóriu Auditória Sosiál hosi Sosiedade Sivíl iha Setór Importante Haat

“Durante Estadu Emerjénsia hahú hosi 26 marsu-30 juñu, ita iha vítima totál ne’ebé mak  hetan asisténsia integradu iha uma entrada FOKUPERS hamutuk 23 ho nia tipu kazu violénsia doméstika 14, violasaun seksuál ba labarik minoridade 7, violénsia píbliku 1, kazu abandona iha 1, no família neebé mak tuir sira-nia inan bainhira tama uma entrada hamutuk  18,” dehan Maria Guterres ba jornalista sira iha salaun reuniaun Tower Conference, Fatuhada Dili, sesta nee.

Diretora ne’e dehan, ba autór sira ne’ebé halo krime, FOKUPERS kontinua halo prosesu ne’e ba iha Ministériu Públiku no liga ba Lei kontra violénsia doméstika tanba ema hotu iha diretu atu hetan apoiu inegradu ba asisténsia.

“Kona-ba prosesu ita kontinua prosesu ba iha Ministériu Públiku tanba ida-ne’e krime ne’ebé mak autór halo. Entaun, ida-ne’e liga ba iha Lei Kontra Violénsia Domestika ema hotu iha direitu atu hetan apoiu intrgeadu ba asisténsia no ema hotu iha diretu atu hetan justisa ne’ebé mak justu tuir krime ne’ebé mak nia halo ka komete,” nia dehan.

Nia hateten, fatór ne’ebé kontribui ba violénsia jéneru hasoru feto ne’e akontese tanba ekonómia, teknolójia, no problema sosiál  tanba  iha Estadu Emerjénsia nia laran feto nia movimentu ne’e limita tabes no susar atu asesu ba informasaun entaun to’o ikus hamosu violénsia.

Durante EE, nia informa, ba vítima sira ne’ebé tama ona uma mahon FOKUPERS halo koordenasaun no aprosimasaun ho família atu fila-fali ba uma maibé família barak mak preokupa labele simu fali vítima sira tanba problema rendimentu entaun FOKUPERS iha responsabilidade  fó nafatin asisténsia integradu ba vítima sira.

Notísia Relavante: IRI Organiza Meza Redonda Kona-ba Impaktu EE no Prevensaun COVID-19

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here