Diskusaun ba projetu Lei Númeru 1/V/2019-Lei Anti Corrupção (LAC), durante loron rua (01-02 jullu 2020), iha Mukit Guest House Aisirimou Aileu. Imajen/Mídia CAC.

AILEU, 03 jullu 2020 (TATOLI)–Diskusaun ba projetu Lei Númeru 1/V/2019-Lei Anti Corrupção (LAC), durante loron rua (01-02 jullu 2020), iha Mukit Guest House Aisirimou Aileu, konsege finaliza no ohin aprova tan titulu I medidas kombate korrupsaun,  kapitulu  II kona-ba Rejime Deklarasaun Bens no Interese, ne’ebé iha sesaun VII ho nia artigu hamutuk 33.

Notísia Relevante: Komisaun A Aprova Tan Kapítulu II LAC Rejime Deklarasaun Bens no Interese

Kapítulu II LAC Rejime Deklarasaun Bens no Interese ne’e ho votasaun a-favór 10, kontra 0 no abstesaun 0.

Kapítulu ne’e kompostu hosi sesaun VII ho nia artigu 33 no parte sira hosi kapitulu ne’e hahú hosi sesaun I kona-ba finalidade, artigu (primeiru) 26 kona-ba finalidade, sesaun II autoridade kompetente, artigu 27 autoridade kompetente. Sesaun III Deklarasaun propriedade no interese, artigu 28 kona-ba ema ne’ebé mak obrigadu atu dekalara, artigu 29 kona-ba membru agregadu familiares husi dekalarante, artigu 30 kona-ba deklarasaun ad hoc, artigu 31 kona-ba prioridade deklarasaun, artigu 32 kona-ba obrigasaun depózitu bankária, no artigu 33 kona-ba konteúdu husi deklarasaun.

Iha artigu 34 ko’alia kona-ba deklarasaun agregadu familiares, artigu 35 ko’alia kona-ba moeda, artigu 36 ko’alia kona-ba formuláriu, artigu 37 ko’alia kona-ba aprezentasaun, artigu 38 ko’alia kona-ba autokorresaun.

Iha sesaun IV, Verifikasaun kumprimentu obrigasaun ba deklarasaun, artigu 39 ko’alia kona-ba arrolamentu deklarantes, artigu 40 ko’alia kona-ba verifikasaun formál.

Iha sesaun dalima V, Verifikasaun Deklarasaun nian, artigu 41 ko’alia kona-ba finalidade husi verifikasaun, artigu 42 ko’alia kona-ba Obrigatoriedade husi verifikasaun, artigu 43 kona-ba âmbitu Verifikasaun nian, artigu 44 kona-ba Pedidu informasaun adisionál ba deklarante, artigu 45 kona-ba podér rekezita no hetan informasaun, artigu 46 ko’alia kona-ba rezultadu verifikasaun.

Iha sesaun VI, infrasaun no sansaun sira, sub sesaun I kona-ba sansaun ba infrasaun ne’ebé komete husi deklarante, artigu 47 kona-ba aprezentasaun tarde, artigu 48  kona-ba falta de aprezentasaun ho notifikasaun, artigu 49 kona-ba rekuza husi parte agregadu familiar, 50 kona-ba deklarasaun inkompleta, artigu 51 kona-ba omisaun no informasaun, artigu 52 kona-ba informasaun falsa.

Sub sesaun II, sansaun ba infrasaun ne’ebé komete husi la’ós deklarante, artigu 53 kona-ba obstrusaun no verifikasaun, artigu 54 kona-ba inkumprimentu obrigasaun husi ema sira ne’ebé mak iha autoridade kompetente, artigu 55 kona-ba divulgasaun informasaun konfidensiál, artigu 56 kona-ba rekuza ba asesu ou husi divulgasaun públika informasaun.

Iha sesaun VII, Guarda no Konservasaun, artigu 57 kona-ba Prazu Konservasaun nian, artigu 58 kona-ba ba guarda no konservasaun.

Deputadu sira husi Komisaun A Parlamentu Nasionál Asuntu Konstitusionais no Justisa ne’ebé partisipa iha dikusaun ne’e mak hanesan Prezidente Joaquim dos Santos, Vise Prezidente Francisco de Vasconcelos, Sekretáriu José Pacheco Soares, Membru Francisco Miranda Branco, Dário Madeira, Patrocíno Fernandes, Carmelita Moníz, Óscar de Araújo, António Nobre Amaral Tilman, no  Francisco David Xavier Carlos, eseptu Adriano do Nascimento la marka prezensa tanba kaondisaun saúde.

Entidade relevante sira ne’ebé partisipa mós iha diskusaun ne’e mak hanesan Prezidente Parlamentu Nasionál Aniceto Guterres Lopes, reprezentante VIII governu Vise Ministru Justisa, José Edmundo Caetano ho diretór Nasionál Assessoria Jurídika no Lejislasaun (DNAJL sigla Portugés) Ministériu Justisa, Adjuntu Prokuradór Jerál Repúblika Alfonso Lopez,  Estrutura CAC kompostu husi komisáriu Sérgio Hornai, Komisáriu Adjuntu Augusto Castro, ho Luis Sampaio, Diretór Jerál Prevensaun no Sensibilizasaun Rosário de Araújo, akompaña husi Asesora Jurídika Mariman Oliveira.

Diretór Polisia Sientifika Investigasaun Kriminál (PSIK), Vicente F. Brito, provedora Provedoria Direitus Umanus no Justisa Jesuinha Gomes, Asessór Jurídiku Komissaun A Parlamentu Nasionál, Anildo da Cruz ho Pedro Andrade, Diretora Ezekutiva Organizasaun Naun Governamentál Programa Monitarizasaun ba Sistema judisiária (JSMP), Ana Paula Marçal, Reprezentante Grupu Feto Parlamentár Timor-Leste (GMPTL sigla Portugés).

Tuir ajenda, ohin, hafoin halo aprovasaun ba Kapítulu II Rejime Deklarasaun Bens no Interese, deputadu sira hosi komisaun A hamutuk ho entidade relevante sira kontinua halo diskusaun ba Kriminalizasaun.

Notísia Relevante: Proposta Estabelesimentu Konsellu Kombate Korrupsaun La Pasa

Jornalista : Cipriano Colo

Editór       :  Cancio Ximenes

HAKEREK NO HATÁN

Please enter your comment!
Please enter your name here