Atu diminui no prevene moras denque neebe kada fulan kontinua aumenta liu-liu iha kapital Dili, Funsionariu husi Ministeriu Saude ho rutina fulan-fulan tama sai bairo hodi rega susuk iha baleta no komunidade nia uma, Sabadu 8 Abril 2017.Tuir dadus probisoriu neebe fosai husi Ministeriu Saude kada semana total Dengue iha teritoriu 371, Dili 262 ida Mate Bobonaro 23, Baucau 7 Ermera 47, Lautem 29 no Manufahi 3. Foto TATOLI/Antonio Goncalves

DILI, 01 jullu 2020 (TATOLI)-Diretór Ezekutivu Servisu Autónomu Medikamentu no Ekipamentu Saúde (SAMES), Santana Martins, dehan oras ne’e prepara ona dokumentu atu loke prosesu konkursu públiku ba kompañia sira hodi sosa ai-moruk abate ba prevensaun dengue.

”Ita-nia estoke abate ne’ebé mak daudaun ne’e hotu ita iha hela faze prosesu no faze preparasaun ba iha publikasaun dokumentu nian para kompañia sira ne’ebé iha interese bele mai kompete para ita halo kontratu ba sira tanba agora daudaun prosesu la’o hela iha nivél aprovizionamentu nian,” hateten atuál Sekrétariu Jerál AETL, Santana Martins, iha Kampung-Alor ohin.

Notísia Relevante :MS Laiha Estoke Ai-Moruk Kímiku Hodi Rega Susuk

Prosesu sosa ai-moruk ne’e tarde oituan tanba SAMES sei sosa hamutuk ho ekipamentu prevensaun coronavirus ho orsamentu ne’ebé aloka ba item COVID-19 ho montante millaun $ 5.8.

Notísia Relevante :HNGV Rejista Kazu Dengue 349, Pasiente Na’in 11 Mate

”Aprovizionamentu ne’e ha’u bele dehan en jerál hanesan medikamentu konsumuveis ho ekipamentu inklui silindro oksijéniu entaun prosesu sira ne’e sei la’o hela,” nia esklarese.

Notísia Relevante :Dengue Hamate Ema Na’in 10, Risku iha Munisípiu Tolu

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here