Prezidente Autoridade Munisipiu Ermera, José Martinho dos Santos Soares. Imajen/Tatoli

DILI, 30 juñu 2020 (TATOLI)–Prezidente Autoridade Munisípiu Ermera, José Martinho dos Santos Soares, hateten violénsia hasoru feto no labarik feto sira iha Munisípiu Ermera purvolta 1000-resin ne’ebé tama ba kategória violénsia aas ona.

Notisia Relevante: SEII-ONU-UE Inaugura Unidade Koordenasaun Ba Inisiativa Spotligth

“Hosi Munisípiu Ermera ita iha kazu violénsia hasoru feto no labarik purvolta 1000-resin ita kategória ba violénsia aas ona,” dehan Prezidente Autoridade Munisípiu Ermera, José Martinho dos Santos Soares, Agência TATOLI iha salaun SEII Matadouro, Dili, tersa ne’e.

Tanba ne’e, nia dehan, ho programa Governu nian kona-ba Spotlight ne’ebé servisu hamutuk ho instituisaun Estadu, parseiru internasionál no mós sosiedade sivíl sira iha Timor-Leste hili Munisípiu Bobonaro, Ermera no Viqueque atu implementa programa Spotlight atu oinsá mak bele hamenus violénsia kontra feto no labarik feto sira.

Hosi númeru sira ne’ebé mak iha, nia hatutan, hosi munisípiu tolu ne’ebé mak nia tarjetu violénsia ne’e aas entaun hanesan pilotu ida ba munisípiu tolu ne’e, parese ba oin sei abranje tan ba munisípiu sira seluk.

“Atividade ida ohin ita bolu primeiru reuniaun ba unidade koordensaun ba inisiativa Spotlight ida-ne’e. Depois implementa, ami hein katak iha fulan neen (6) nia laran, ita sei hala’o servisu hamutuk ho organizasaun sira hanesan ONU no UE nian iha Timor Leste,” nia dehan. 

Tanba ne’e nia dehan, mak presiza implementa programa Spotlight ida-ne’e hodi kontra violénisa hasoru feto liuliu ba labarik feto sira iha nasaun doben Timor-Leste.

Tuir nia, programa ne’e implementa ona iha fulan janeiru ne’ebé mak simu kontaktu hosi nivél nasionál hodi haree grupu trajetu sira ne’ebé mak iha liuliu iha munisípiu tolu ne’e.

“Implementa programa Spotlight ne’e ita servisu hamutuk ho Vulneravél Polisia Unit (VPU) iha munisípiu sira atu haree dadus konkretu oinsá ema halo violénsia hasoru feto no labarik feto,” dehan Prezidente Autoridade Munisípiu Ermera ne’e.

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here