MInistru Edukasaun Juventude no Desportu, Armindo Maia. Imajen/Egas Cristovão

DILI, 30 juñu 2020 (TATOLI)-Ministru Edukasaun Juventude no Desportu (MEJD), Armindo Maia, hateten iha ona planu atu prevee osan iha Proposta Orsamentu Jerál Estadu 2021 hodi reabilita sala eskola hamutuk 1.500 iha territóriu Timor-Leste.

Governante ne’e dehan iha planu prioridade lima maka sei ezekuta durante ninia mandatu hanesan infraestrutura, kualidade formasaun ba profesór, jestaun eskolár, kuríkulu no edukasaun inkluziva.

Notísia Relevante :Armindo Maia Sei Hatutan Programa 5 Husi Governu Dahuluk

Husi prioridade hirak ne’e pelumenus bele implementa planu tolu durante ninia mandatu tinan rua-resin.

“Oras ne’e daudaun ha’u iha ona planu prioridade lima, maibe iha planu minimu tolu mak ha’u sei alkansa iha tempu tinan rua-resin ne’e, entaun ha’u tau mós prioridade ba reabilitasaun sala1.500 ne’ebé grave liu ona,”informa, Ministru Armindo Maia ba jornalista sira liuhosi konferénsia imprensa iha MEJD, ohin.

Nia dehan aliende ne’e sei fó mós prioridade ba hadi’a kualidade eskola Ensinu Sekundária Públiku iha Munisípiu sira no investe maka’as iha eskola tékniku vokasionál liliu kompleta fasilidade, rekursu umanu no orsamentu.

“Ita hakarak bainhira alunu sira tama eskola tenki simu ona livru idaidak atu nune’e estudante sira fila ba uma bele fasilita sira  hodi estuda,” dehan nia.

Jornalista : Tomé Amado

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here