MInistru Edukasaun Juventude no Desportu, Armindo Maia

DILI, 25 juñu 2020 (TATOLI)-Ministru Edukasaun Juventude no Desportu, Armindo Maia, hateten durante ninia mandatu tinan tolu sei implementa mós programa lima importante ne’ebé halo ona iha Governu Konstitusionál dahuluk hodi dezenvolve setór edukasaun.

“Ha’u sei la muda buat barak iha tinan rua ne’e, ha’u sei tau nafatin prioridade hanesan uluk ha’u iha ne’e. ha’u sei haree ba infraestrutura, kualidade formasaun ba profesór sira, jestaun eskolár, Kuríkulu no Edukasaun inkluziva,”dehan Governante ne’e ba Jornalista sira iha Vila-Verde, kinta ne’e.

Kona-ba infraestrutura sei hadi’a kondisaun eskola sira kompleta ho fasilidade meja, kadeira no seluktan.

Kapasita rekursu umanu liliu formasaun ba profesór, aumenta profesór ba eskola sira ne’ebé presiza.

Hadi’a jestaun eskolár atu rejolve problema Diretór no Profesór sira ninia difikuldade, edukasaun inkluza nian liliu ensinu rekorente hodi fó atensaun mós ba estudante ho kondisaun defisiénsia.

Eis Ministru Edukasaun Juventude no Desportu iha Governu Konstitusional dahuluk ne’e hateten, maski  mai ho planu prioridade lima maibé sei implementa fazeadamente.

”Imposibel atu halo hotu iha tinan rua nia laran, maibé husi planu prioridade lima ne’ebé iha karik balun la’o di’ak ona presiza reforsa tan no balun ne’ebé seidauk la’o di’ak tenki aselera hodi servisu atu bele atinje ninia objetivu,”katak Governante.

Jornalista : Tomé Amado

Editór       : Agapito dos Santos

4 KOMENTÁRIU

  1. Ministro esforsu hodi hare Manorin sira hanesan voluntario, contratadu no sai ona funsionariu publico, manorin sira ne’e mak lori juventude ba futuru diak. nune’e tenke tau matan diak ba sira, liu-liu sira nia salario no oinsa sira bele asesu mos ba Seguranca Sosial. por favor ministro. obrigado wain.

  2. Husu ba ministru atu bele tau matan ba professor voluntario sira tanba kleur ona sira hanorin maibe laiha atensaun. Obrigadu

  3. Husu ba SE. ministro Edukasaun atu prosesa mos dadus ba professores sira neebe maka oras nee dadun sai hela polimika iha Edukasaun laran.

HAKEREK NO HATÁN

Please enter your comment!
Please enter your name here