Provedora Direitu Umanu no Justisa (PDHJ), Jesuína Maria Ferreira Gomes. Imajen Tatoli/ Egas Cristóvão

DILI, 29 juñu 2020 (TATOLI) – Provedoria Direitu Umanu no Justisa (PDHJ) kontinua halo formasaun kona-ba pratika Governasaun di’ak  ba dirijente no funsionáriu públiku sira.

Notísia Relevante : PDHJ Halo Ona Auto-Notísia Krime-Haat ba MP

Liuhosi aprezentasaun relatóriu annual 2019 ba Parlamentu Nasionál, ohin, Provedora PDHJ Jesuína Maria Ferreira hateten, iha tinan kotuk PDHJ realiza ona formasaun refere ba dirijente no funsionáriu públiku hamutuk na’in-273 iha Munisípiu Baucau, Ermera, Bobonaro ho Rejiaun Administrativu Espasiál Oe-Cusse Ambeno (RAEOA).

Ba oin, Provedora Jesuína hatutan kontinua formasaun ne’e hodi promove no hasa’e liu koñesimentu ajente Estadu nian hodi promove Governasaun di’ak.

‘’Hosi 2017 to’o  2019, totál funsionáriu públiku ne’ebé hetan ona formasaun kona-ba Governasaun di’ak hamutuk 449,” Provedora Jesuína Maria Ferreira tenik.

PDHJ realiza atividade ne’e tanba halo kooperasaun servisu ho Komisaun Funsaun Públika (CFP), Komisaun Anti-Korrupsaun (CAC) no Inspektór Jerál Estadu (IJE).

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here