Komandante Jerál PNTL, Komísariu Faustino da Costa. Imajen/Egas Cristovao

DILI, 29 juñu 2020 (TATOLI)- Komandu Jerál Polísia Nasionál Timor-Leste (PNTL) hasai ona desizaun hodi halo transferénsia servisu  ka muda servisu ba ofisiál komandante PNTL na’in-25.

Notísia Relevante : Superintendente Xefe Armando ho Agostinho Agradese Ba Konfiansa Hosi Komandu PNTL

Tuir ajenda ofisiál superior PNTL sira-ne’e sei simu pose husi Komandante Jerál Polísia Nasionál Timor-Leste (PNTL), Komisáriu Polísia, Faustino da Costa, no Segundu Komandante, Komisáriu Polísia, Mateus Fernandes, iha Komandu Jerál PNTL, tersa  (30/06)..

Komandante Jerál PNTL, Komisáriu Faustino da Costa deklara katak, mudansa ba servisu komandante PNTL sira nu’udar prosesu normál ida hodi promove komandante sira nia profisionalizmu servisu tuir orden ba kargu hanesan Superintendente Xefe ema na’in-ualu (8), Superintendente  na’in-12, no Superintendente Asistente na’in-lima (5).

“Ita boot sira akompaña kuandu halo mudansa ba servisu iha fulan balun ba kotuk, ha’u dehan ne’e nu’udar parte kontinuasaun hodi kompleta prosesu promosaun diviza ne’ebé hala’o iha loron 27 Marsu liubá, tanba ne’e mak ita halo rotasaun ho mudansa barak ne’ebé ami nota seidauk kompleta iha parte balun ami sei haree hodi kompleta estrutura kargu polísia nian,” hateten Komandante Faustino, ohin, ba jornalista iha Ministériu Interior, Vila-Verde, Dili.

Faustino dehan, komanda servisu ne’e Komandu PNTL halo, tanba komandante balun hala’o servisu iha munisípiu sira kleur husi tinan ida ba too tinan tolu presiza halo mudansa muda ba fatin foun ho ambiente foun.

“Komandante munisípiu no unidade sira ita troka no muda  ema na’in -20-liu, tanba balun hanesan komandante iha munisípiu tinan-ualu (8), tinan-sia (9) ita labele husik sira atu hela kleur maibé tenke muda sira ba ami atu aprende buat barak liután,”  nia hateten.

Tuir lista ne’ebé Ajénsia TATOLI asesu fó sai naran komandante sira ne’ebé hetan mudansa iha servisu maka  Superintendente Xefe, Hendrique ho ID 10058 husi Komandante Servisu Investigasaun Kriminál Nasionál (SIKN) transfere ba Komandante Munisípiu Dili, Superintendente José Maria Neto Mok (ID 10483) husi Servisu Informasaun Polísia (SIP) muda ba Komandante Servisu Investigasaun Kriminál Nasionál (SIKN), Superintendente Xefe Agostinho da Silva Gomes (ID 10722) Diretór Jerál Servisu Migrasaun Ministériu Interiór (DJRM-MI) muda ba Komandante Munisípiu Ermera, Superintendente Xefe, Mateus Asunção Mendes Komandante Operasaun muda Komandante Polísia RAEOA.

Superintendente Xefe, Armando Monteiro Komandante Munisípiu Dili muda ba Munisípiu Baucau, Superintendente Xefe Hermenegildo Gonçalves da Crus (ID 10108) Komandante Munisípiu Baucau muda ba Komandu Jerál Servisu Informasaun Polísia (SIP), Superintendente Xefe  Arnaldo de Jesus Almeida D.C. Araújo (ID  10310) Komandante RAEOA muda ba Komandu  Jerál GCCRI.

Komandante Unidade Patrolliamentu Fronteira (UPF), Superintendente, João Belo dos Reis, (ID 10074) muda ba Komandante Servisu Migrasaun Ministériu Interiór, Superintendente, João da Costa (ID 10010)  Komandante Munisípiu Bobonaro muda ba Munisípiu Manatuto, Superintendente,  Umbelina dos Santos Soares (ID 10042) Komandante Munisípiu Aileu muda ba   Munisipiu Liquiça, Superintendente, António do Rego Fernandes (ID 1027)5 Servisu Informasaun Polísia muda ba Munisípiu Lautem, Superintendente Antoninho Mauluta (ID 10469) Komandante Departamentu Justisa muda ba Munisípiu Bobonaro.

Superintendente, Ludgerio Picancio Madeira Lay (ID 10213) Komandu Administrasaun PNTL muda ba Munisípiu Ermera, Superintendente Calistro Gonzaga (ID 10909) Komandu Operasaun muda ba Komandu Administrasaun DAP, Superintendente, Sebastião Alves Quintão (ID 10236) Komandante Munisípiu Lautem muda ba  Munisípiu Viqueque, Superintendente, Paulino Carmo Pereira (ID 10131)  RAEOA muda Komandu Jerál SIKN, Superintendente Nicolau F. da Costa (ID 10155) GIG muda ba RAEOA, Superintendente, Julia da Gama Komandante Munisípiu Manatuto muda ba Komandu Jerál Gender,  Superintendente, Ismael da Costa  Babo  (ID 10109) Diretór Jerál Servisu Protesaun Sivíl, Sekretáriu Estadu Protesaun Sivíl (SEPS) muda ba DTRN.

Superintendente Asistente Pascoal Ferreira Guterres (ID 10130) Komandu Operasaun muda ba Munisípiu Lautem, Superintendente Asistente  António Lourenço da Costa Soares (ID 10931) Komandante Munisípiu Ermera muda ba Munisípiu Aileu, Superintendente Asistente Luis da Silva (ID 10013) Komandante Munisípiu Liquiça muda ba Komandu Jerál Tezouru,  Superintendente Asistente, Agosto Tilman da Costa (ID 11082) GCCRI muda ba CON no Superintendente Asistente Fasio de Jesus Lima (ID 10069) Servisu Migrasaun muda ba Komandante UPF.

Jornalista       : Eugénio Pereira

Editór             : Francisco Simões

HAKEREK NO HATÁN

Please enter your comment!
Please enter your name here