Prezidente Tribunál Rekursu, Deolindo dos Santos. Imajen /Egas Cristovão

DILI, 24 juñu 2020 (TATOLI) – Tribunál Rekursu (TR) iha tempu badak sei asina akordu kooperasaun ho Governu Brazil hodi fortalese servisu iha area justisa nian.

Notísia Relevante : EE Faze Datoluk, Tribunál Funsiona Julgamentu Normál

“Iha tempu badak nia laran, Tribunál sei konkretiza akordu kooperasaun ho Brazil liuhosi ABC ho CNJ sira sei apoiu para atu haree ba sistema informatizasaun prosesu iha Tribunál sira nian, oinsá atu la’o ho di’ak,” informa Prezidente Tribunál Rekursu (PTR), Deolindo dos Santos, ba Jornalista, ohin, hafoin enkontru ho Primeiru-Ministru Taur Matan Ruak, iha Palaçio Governo.

Deolindo dos Santos hateten, daudaun Tribunál iha ona sistema refere, maibé ladún atualizadu, tanba ne’e, ho meiu kooperasaun refere Timor-Leste sei hetan apoiu formasaun ba sistema ne’e ninia funsionamentu sira.

“Ha’u espera sei ajuda hadi’a di’ak liu tan sistema informatizasaun di’ak liu hodi bele fasilita asesu públiku ba servisu Tribunál nian,” Deolindo tenik.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here