Prezidente Repúblika,Francisco Guterres Lú Olo. Imajen Tatoli/António Gonçalves

13:56:17DILI, 23 juñu 2020 (TATOLI)—Prezidente Repúblika, Francisco Guterres “Lú Olo”, liuhusi Dekretu Prezidente Repúblika Númeru 45/2020, 46/2020, 47/2020, 48/2020, 49/2020, 50/2020, 51/2020, 52/2020, no 38/2020 ezonera membru VIII Governu Konstitusionál na’in-ualu (8) hosi ninian funsaun.

Notísia Relevante: Prezidente Repúblika Ezonera Membru Governu Na’in-Tolu

Tuir komunikadu ne’ebé Agência TATOLI asesu ne’e informa, membru Governu na’in-ualu (8)  ne’ebé hetan ezonerasaun hoi Prezidente Repúblika mak hanesan Ministru Negosiu Estranjeiru no Kooperasaun Dionísio da Costa Babo Soares, Ministra Edukasaun Juventude no Desportu Dulce de Jesus Soares, Vise-Ministru Edukasaun Juventude no Desportu, João Zacarias Freitas Soares.

Membru Governu seluk ne’ebé PR ezonera, komunikadu ne’e haktuir, mak Vise-Ministru Administrasaun Estatal Abílio José Caetano, Sekretáriu Estadu ba Juventude no Desportu Nélio Isaac Sarmento, Sekretáriu Estadu ba Formasaun Profisionál no Empregu Julião da Silva, Sekretáriu Estadu ba Kooperativas Arsenio Pereira da Silva, no Sekretáriu Estadu ba Protesaun Sivíl Alexandrino Xavier Araújo

Dekretu Prezidente Repúblika Númeru 45/2020, 46/2020, 47/2020, 48/2020, 49/2020, 50/2020, 51/2020, 52/2020, no 38/2020 ne’e, Prezidente Repúblika, Francisco Guterres “Lú Olo”, asina iha 23 juñu 2020, iha Palásiu Prezidénsial Nicolau Lobato, Bairru Pité, Dili.

Notísia Relevante: PM Taur Husu ba MG-CNRT Mantein Lai Hein Ezonerasaun Formál

Jornalista  : Cipriano Colo

Editór      :  Cancio Ximenes

HAKEREK NO HATÁN

Please enter your comment!
Please enter your name here