Diretór Jerál Ministeriu Soliedariedade Sosial no Inkluzaun (MSSI), Rui Manuel Gago Exposto. Imajen/Nelson Sousa

DILI, 10 juñu 2020 (TATOLI)–Governu liuhosi Ministériu Solodaridade Sosiál no Inkluzaun (MSSI), ohin, atualiza pagamentu subsídiu $200 loron dahuluk nian ba Públiku iha territóriu Timor-Leste.

Notísia Relevante: Governu Benefísia Uma-Kain 298.119 iha Munisípiu 12

Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto, hateten horisehik loron 9 juñu ekipa pagamentu MSSI komesa halo ona pagamentu iha munisípiu 12 eseptu Rejiaun Administrativa Espesiál Oé-Cusse Ambeno (RAEOA).

“Totál uma-kain ne’ebé simu ona pagamentu hamutuk 17.478 no totál osan ne’ebé selu ona ba benefisiáriu sira hamutuk $3.495.600,” dehan Rui Manuel Gago Exposto ba Agência TATOLI iha nia knaar fatin, Caicoli, Dili, kuarta ne’e.

Nia haktuir, naran iha lista benefisiáriu hosi munisípiu 12 la inklui Oé-Cusse mak uma-kain 298.495 ho nia totál montante orsamentu aprovadu ba munisípiu 12 la inklui Oé-Cusse hamutuk $59 699.000. 

Diretór jerál ne’e hatutan, sumáriu jerál hosi prosesu pagamentu munisípiu sira hanesan iha Munisípiu Aileu ho totál uma-kain ne’ebé simu ona pagamentu hamutuk 1.218, totál osan ne’ebé selu ona hamutuk $243.600 no totál naran uma-kain iha lista benefisiáriu hamutuk 12.958.

Iha Munisípiu Ainaro, totál uma-kain ne’ebé simu ona pagamentu hamutuk uma-kain 539, totál osan ne’ebé selu ona hamutuk $107.800 no totál naran iha lista benefisiáriu hamutuk uma-kain 17.245. 

Iha Munisípiu Baucau, totál uma-kain ne’ebé simu ona pagamentu hamutuk 2.371, total osan ne’ebe selu ona hamutuk $474.200 no totál naran iha lista benefisiáriu hamutuk uma-kain 34.151. 

Iha Munisípiu Bobonaro, totál uma-kain ne’ebe simu ona pagamentu hamutuk 1.528, totál osan ne’ebé selu ona hamutuk $305.600 no totál naran iha lista benefisiáriu hamutuk uma-kain 28.342. 

Iha Munisípiu Covalima, totál uma-kain ne’ebe simu ona pagamentu hamutuk 1.353, totál osan ne’ebe selu ona hamutuk $270.600 no totál naran iha lista benefisiáriu hamutuk uma-kain 18.262. 

Iha Munisípiu Dili, totál uma-kain ne’ebé simu ona pagamentu hamutuk uma-kain 3.770, total osan ne’ebé selu ona hamutuk $754.000 no totál naran iha lista benefisiáriu hamutuk uma-kain 64.913.

Iha Munisípiu Ermera, totál uma-kain ne’ebé simu ona pagamentu hamutuk 1.166, totál osan ne’ebé selu ona hamutuk $233.200 no totál naran iha lista
benefisiáriu hamutuk uma-kain 32.585. 

Iha Munisípiu Lautém, totál uma-kain ne’ebé simu ona pagamentu hamutuk 1.348, totál osan ne’ebé selu ona hamutuk $269.600 no totál naran iha lista
benefisiáriu hamutuk uma-kain 18.474. 

Iha Munisípiu Liquica, totál uma-kain ne’ebé simu ona pagamentu hamutuk 672, totál osan ne’ebé selu ona hamutuk $134.400 no totál naran iha lista
benefisiáriu hamutuk uma-kain 20.357. 

Iha Munisípiu Manatuto, totál uma-kain ne’ebe simu ona pagamentu hamutuk 966, totál osan ne’ebé selu ona hamutuk $193.200 no totál naran iha lista benefisiáriu hamutuk uma-kain 13.938. 

Iha Munisípiu Manufahi, totál uma-kain ne’ebe simu ona pagamentu hamutuk 1.247, totál osan ne’ebé selu ona hamutuk $249.400 no total naran iha lista benefisiáriu hamutuk uma-kain 15.008. 

Iha Munisípiu Viqueque, totál uma-kain ne’ebe simu ona pagamentu hamutuk 1.365, totál osan ne’ebé selu ona hamutuk $273.000 no totál naran iha lista benefisiáriu hamutuk uma-kain 22.262. 

“Hosi ne’e, parte MSSi nia obsevasaun ba munisípiu ne’ebé iha ona progressu ba pagamentu subsídiu $200 ne’ebé lais ona mak hosi Munisípiu Dili, Baucau, Viqueque, Manufahi no Lautem,” nia relata ba jornalista sira.

Nia dehan, pagamentu subsídiu loron dahuluk iha Timor-Leste, MSSI relata ona totál benefisiáriu sira ne’ebé mak rejistu iha meza reklamsaun nian hamutuk 498.

“Hosi totál 498 ne’e, ami sei responde reklamasaun depois pagamenta ida-ne’e ramata ona no iha loron 15 ba oin, ami sei responde seraké nia elizivél ka la elizivél,” nia dehan. 

Jornalsita : Osória Marques

Editór     : Cancio Ximenes

1 KOMENTÁRIU

  1. Sujestaun ba iha Agencia Tatoli atu dados sira ne’e bele impoe iha tabela no grafiku atu ita bele assesu hodi akompanha situasaun ne’ebe fo nia rezultado positivo no diak liu tan. Parabens ba Agencia Tatoli. Apresia ho ita bo’ot sira nia servisu. obrigado.

HAKEREK NO HATÁN

Please enter your comment!
Please enter your name here