Imajen/Mídia PR.

DILI, 08 juñu 2020 (TATOLI)–Embaxadór Portugál iha Timor Leste, Machado Vieira, agradese ba Prezidente Repúblika, Francisco Guterres “Lú Olo”, ne’ebé esplika direta konjuntura polítika ba nia.

“Ha’u agradese ba Prezidente Repúblika, bele rona diretamente nia analize kona-ba situasaun atuál,” dehan Embaxadór Portugál iha Timor Leste, Machado Vieira, ba jornalista sira hafoin hala’o enkontru ho Prezidente Repúblika, Francisco Guterres “Lú Olo”, iha Palásiu Prezidente Nicolau Lobato, Bairru Pité, Dili, segunda ne’e.

Nia hatutan, hanesan país irmaun ne’ebé koopera ho Timor-Leste, sente kontente ho kondisaun ida-ne’ebé bele garante relasionamentu entre nasaun rua no ajuda dezenvolvimentu ihaTimor-Leste.

Diplomata ne’e hateten, durante enkontru Prezidente Repúblika, PR hateten Timor-Leste iha kondisaun institusionál no estabilidade atu garante kontinuidade hosi dezenvolvimentu.

Iha loron hanesan, Prezidente Repúblika mós introdús situasaun atuál no konjuntura politika ba Embaxadór Brazil iha Timor-Leste, Aldemo Garcia.

Notísia Relevante: Governu Brazileiru Kontente ho Aliansa Foun iha PN

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here