Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 08 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten iha diretór balun ho saláriu $501 mak naran sai iha lista pagamentu katak atu di’ak liu lalika simu tanba loron ruma sei hasoru fali lei.

Notísia Relevante: Ohin, Ekipa Pagamentu Subsídiu $200 Dezloka ba Munisípiu

“Ha’u dehan tiha ona ba diretór ba ne’ebé mak naran sai iha pagamentu katak labele simu. Se simu mak aban bainrua imi sei hasoru lei. Tanba ne’e husu atu retira tiha de’it, husik ema seluk ne’ebé mak presiza mak simu,” dehan Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, via telefonika ba Ajénsia TATOLI, segunda ne’e.

Nia hatutan, osan hirak ne’ebé mak ema la simu sei hatama hikas ba kofre Estadu. Bainhira pagamentu finaliza mak xefe suku no ekipa pagamentu sira atu tuur hamutuk obrigatoriamente hodi lori fila osan refere ba kofre Estadu.

“Sistema garantidu tanba ha’u monitoriza loro-loron katak sira sei la book buat ruma bainhira buat ruma akontese ba osan ne’e. Bainhira sira book osan, ha’u nota kedas tanba sistema estabelesidu hela,” diretór ne’e hateten.

Nia hateten, ba benefisiária sira ne’ebé mak rendimentu $500 bele simu miabé karik $500 sente boot ona no sufisiénte ona ba nia nesesidade mak di’ak liu kontibui ba Estadu no ba ema sira ne’ebé mak kbiit laek duni.

Ezemplu, nia dehan, familía uma-laran hanesan mane (katuas-oan) MAK nia saláriu $300 no feto (ferik-oan) nia saláriu $300 ne’ebé mak soma hamutuk $600, di’ak liu lalika simu tanba sistema mak la deteta. Tanba ne’e, husu onestidade no konsiénsia kada ema ida-nian atu kontribui.

Loloos, nia esplika, rendimentu família liu $500 ka $501 mak labele simu subsídiu $200 hosi Governu. Maibé benefisiáriu balun mak saláriu liu $500 mak nia naran sai nafatin, parese xefe suku sira mak la anexa kartaun eleitorál, nune’e sistema labele deteta.

“Xefe suku sira mak la hatama ka la anexa kartaun eleitorál ba dadus subsídiu uma-kain ne’e mak ita-nia sistema labele deteta benefisiáriu sira nia saláriu liu $500. Karik, ida-ne’e akontese presiza ema ida-idak nia konsiénsia. Di’ak liu labele simu tanba rendiementu $500 ka 4$501,” nia hateten.

Jornalista : Osória Marques

Editór       : Cancio Ximenes

8 KOMENTÁRIU

  1. Boa tarde,

    Atu kestiona deit kona ba uma kain nebe mak iha salario $501 maibe naran iha lista pagamento, karik mak ho konsiensia ho honestidade hodi retira an hodi la simu será que iha deklarasaun ruma ba uma kain hirak nee atu priense hodi sai hanesan komprovativo ida atu nune hodi hatete katak uma kain hirak nee la simu duni subsidio nebe governo fo, ou simplesmente retira an deit sem iha deklarasaun ruma atu assina. Oinsa mak governo atu hatene katak uma kain hirak nee simu ou lae subsidio nebe governo fo? Presiza iha duni deklarasun ruma atu nune bele sai hanesan komprovativo ida ba uma kain hirak nee e mos fasilita governo atu kontrola katak kada suco uma kain hira mak simu subsidio e hira mak deklara hodi la simu subsidio nee tamba iha salario nebe mak boot liu husi $501. Obrigado

  2. Ema nbe mak salariu atus lima ba leten labele hetan salariu, oinsa ho ema nbe kategoria riku ou ema nbe kaer kompahia, bisnis no seluk tan sira mos labele simu salariu tan salariu nbe governo fo ba ema kbit lae no salariu minimu.

  3. idea furak sr DJ
    mas planu ne hanensan mehi fofoun dehan ba povo hotu nudar sidadaun Timor ikus mai mosu fali idea seluk salario $500 ba leten labele simu subsidiu nebe goveenu fo.
    mas aseita deit ona tan buat hotu ita bot sira mak hatene liu nee.
    diak liu netraliza no konsidera ema sidadaun hotu2x iha rai doben ida nee, ida tan kuandu covid kona karik ema la hare ba o ne bot k kik, beik k matenek, salari bot k kik, kiak k riku etc…..
    duvidas ba hau mak hau soe ih leten nee tanba sa tenki halo hanesan nee , temi tiha povu ikus mai sai oin seluk fali, sera ema sira salari bo nee laos povu rai doben ida nee.

  4. Boanoite se governo hatene hela hasaan ema nebeng rendimento as lalika tauk ih lista neba para lable mosu confusaun ba publico ita bo’ot sira tenki analisa dadus sira ho detalho molok atu halo pagamento ba kada uma kain tamba naran nebe mk mosu ih neba ema tenki simu dalaruma nia rendimento as maibe nia mos presisa tebes los osan n entun naran nebeng sai nia ba simu governo fahe deit 0san ho $200 dt mos imi declara buat oin oin ema kkn ou corupsaun barak bark ih.nb imi la investigasi ka imi tak sira ne Maun Bo’ot

  5. Boa Noite ba Diretor geral? Oinsa ho ema nb mk salario $600 nia Oan hamutuk 4. Pois studante nain 5 mk hela ho nia. Oinsa ho nia servisu tan iha kompania pois durabte EE ne kompania fo nia salario 50% dt.. Ema refere iha direito atu hetan ka lae? Abracos…

  6. Sr.DG MSSI esplika sdk klaru kona ba:
    Sekuandu ema nebe salary liu $501.00 ba leten maibe nia simu subsidiu no ikus detekta hetan, 1. Sansaun saida maka nia atu simu !
    2. Apakah subsidiu $ 200.00 dikembalikan ke rekening pemerintah ?
    3. Naran benefisiariu nebe fo sai ona iha lista no taka iha sede suku to’o aldeia signifika liu tiha ona prosesu verifikasaun iha ESTATAL no MSSI. Tamba ne’e benefisiariu hatene ba simu osan $200.00 kestaun SIMU SALA ne’e la’os kulpa benefisiariu nian, ne’e kulpa ita bo’ot sira nian hahu husi Chefe Aldeia, Chfe Suku, Administrador Postu, ESTATAL no MSSI!!!!
    Tamba baze de dadus iha ita bo’ot sira maka jere !!!!!

  7. to’o agora iha familia barak mak seidauk simu subsidiu, tamba naran failansu tekniku, oinsa ho ita boot sira neebe maka servisu iha instituisaun relevante. karik tuir ita boot sira nia hanoin. obrigado bom trabalho

HAKEREK NO HATÁN

Please enter your comment!
Please enter your name here