Francisco Martins da Costa Perreira Jerónimo

DILI, 29 maiu 2020 (TATOLI)-Atuál Prezidente Federasaun Futeból Timor-Leste (FFTL), Francisco Martins da Costa Perreira Jerónimo, ne’ebé maka hetan fiar husi Primeiru-Ministru, Taur Matan Ruak hodi asume kargu nu’udar Ministru ba Asuntu Parlamentár no Komunikasaun Sosiál, promete sei asume kna’ar ne’e ho responsabilidade.

“Ha’u sei serbí tuir kna’ar ne’ebé atribui mai ha’u,”afirma Francisco Jerónimo ba TATOLI, via whatshapp, sesta (29/05/2020).

Notísia Relevante :Aban, Xefe Estadu Fó Pose Ba Membru Governu Na’in-Ualu

Kona-ba planu prioridade saida maka nia sei halo hafoin simu pose husi Prezidente Repúblika, Francisco Guterres Lú Olo, sesta ohin, nia hateten seidauk bele adianta uluk ba públiku atu hatene.

Notísia Relevante :Prezidente Repúblika Ezonera Membru Governu Na’in-Tolu

“Ida ne’e hau seidauk bele adianta tanba ha’u presiza haree uluk lai kna’ar ne’e nia prioridade mak saida, tanba Ministériu nee foun,” nia dehan.

Alende, asume kargu hanesan ministru iha mandatu governu konstituisaun daualu, nia mós dadauk ne’e nu’udar Prezidente Federasaun Futeból Timor-Leste (FFTL).

Notísia Relevante :Meta Malik : “Ha’u Mai Kompleta Restu Mandatu hosi Governu AMP”

Maski nune’e, nia akresenta kargu Prezidente FFTL sei la afeta ba kna’ar hanesan membru governu hodi ezekuta polítika governu konstituisaun daualu durante tinan tolu resin.

“Hanesan Prezidente FFTL kontinua tanba laiha imkompatibilidade no estatutu FFTL ka FIFA la bandu Prezidente asume mós kargu seluk iha estadu, servisu administrasaun oras ne’e sei hala’o husi Sekretáriu Jéral, Nelio Isaac Sarmento tanba nia agora filafali ona mai FFTL atu serbisu,”nia akresenta liután.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here