Ministra Edukasaun, Juventude no Desportu, Dulce de Jesus Soares

DILI, 28 maiu 2020 (TATOLI)-Ministra Edukasaun Juventude no Desportu (MEJD) Dulce de Jesus Soares iha kinta (28/05/2020) hala’o filafali kna’ar nudar ministra hodi hein subtituisaun foun.

Ministra Dulce de Jesus Soares hatama ona ninia karta rejignasaun diretamente ba Primeiru-Ministru, Taur Matan Ruak iha segunda ne’e, maibé sei hein desizaun ezonerasaun husi Prezidente Repúblika, Francisco Guterres Lú Olo.

Notísia Relevante :Ministra Dulce Delega Ona Servisu ba Vise Ministru João Zacarias

Maski seidauk hetan ezonerasaun maibé governante ne’e halo ona delegasaun kompetensia ba Vise Ministru, João Zacarias Freitas Soares iha loron rua liuba hodi lidera instituisaun ne’e.

Maibé Ministra Dulce de Jesus Soares, iha kinta (28/05/2020) halo fali ona ninia servisu hodi hein subtituisaun foun.

“Gabineti (MEJD-red)halo fila fali konfirmasaun ho Gabineti Primeiru-Ministru iha kuarta lokoraik sei fo tempu atu kontinua servisu hodi hein membru governu foun mai troka,”dehan Ministra Dulce de Jesus Soares, ba TATOLI, iha ninia servisu fatin, kinta ne’e.

Iha parte seluk, baseia ba informasaun ne’ebé maka TATOLI asesu husi Gabinete Primeiru-Ministru, ohin mós reforsa MEJD sei kontinua servisu to’o subtituisaun foun iha tempu badak.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here