Prezidente Repúblika,Francisco Guterres Lú Olo. Imajen Tatoli/António Gonçalves

DILI, 26 maiu 2020 (TATOLI)–Hafoin rona tiha konsellu hosi Konsellu Superiór Defeza Seguransa (KSDS) no Konsellu Estadu (KE), posibilidade, ohin Prezidente Reúblika (PR) Francisco Guterres “Lú Olo” sei haruka proposta hosi Governu kona-ba estensaun Estadu Emerjénsia ba fulan ida tan, relasiona ho surtu COVID-19.

Xefe Kaza Sivíl Prezidénsia Repúblika, Francisco Maria de Vasconcelhos hato’o asuntu ne’e, hafoin reuniaun Konsellu SUperiór Defeza Seguransa no Konsellu Estadu iha iha Salaun Xina, Palásiu Prezidente Bairru Pité, Dili.

“Ohin reuniaun Konsellu Superiór Defeza Seguransa (KSDS) no mós Konsellu Estadu (KE), iha diskusaun, depois de sira fó sira nia apiniaun no konsellu ba Prezidente, agora Prezidente Repúblika prepara hela atu enkamiña pedidu governu nian ba Parlamentu Nasionál. Parlamentu Nasionál mak sei diskute no deside atu autoriza ka la autoriza tuir kompeténsia Parlamentu Nasionál nian. Ohin, iha posibilidade Prezidente Repúblika enkamiña ba Parlamentu Nasionál atu deskuti tuir ajenda PN rasik,” dehan Francisco Maria de Vasconcelhos ba jornalista sira.

Entretantu, Membru Konsellu Superior Defeza no Seguransa ne’ebé partisipa iha reuniaun ne’e mak hanesan, Prezidente Repúblika (PR), Francisco Guterres “Lú Olo”, Primeiru-Ministru (PM) Taur Matan Ruak, Ministru Negósiu Estranjeiru no Kooperasaun (MNEK) Dionisio Babo, Ministru Defeza no Ministru Interiór interinu Filomeno da Paixão de Jesus, Ministru Justisa (MJ) Manuel Carceres.

Hosi Parlamentu Nasionál, David Dias Ximenes, Abel Pires da Silva, Xefe Estadu Maiór Jenerál FALINTIL Forsa Defeza Timor Leste (F-FDTL), Majór Jenerál Lere Anan Timur, Komandante Jerál Polisia Nasionál Timor Leste (PNTL), Komisáriu Faustino da Costa, José Manuel Fernandes ‘nakfilak’, konvida mós eis Primeiru-Ministru Rui Maria de Araújo, no infectologista Daninha Coelho ho Diretór Ezekutivu Forum Organizasaun Naun Governamentál (FONGTIL) Daniel Santos do Carmo.

Membru Konsellu Estadu ne’ebé partisipa iha reuniaun ne’e mak hanesan Prezidente Repúblika (PR) Francisco Guterres“Lú Olo”, Primeiru-Ministru (PM) Taur Matan Ruak, Eis Prezidente Repúblika José Manuel Ramos Horta, Prezidente Parlamentu Nasionál Aniceto Guterres Lopes.

Membru ne’ebé nomeia hosi Prezidente Repúblika mak hanesan Oscár Lima, Alcino de Araújo Barris, Maria Dadi Soares Magno, Laura Soares Abrantes, Faustino da Costa, no nomeia hosi Parlamentu Nasionál mak hanesan Eduardo de Deus ‘Dusae’, Aurora Ximenes, José Cornelio Guterres, Arcánjelo de Jesus Gouveia Laite, no José dos Santos ‘Naimori Bukar’.

Notísia Relevante: Ohin, PR Lú Olo Prezide Reuniaun KSDS-KS Kona-ba Estensaun EE

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here